Paris, June 28: France aro India-ni sipairangni a·songtangna warachakanio kam ka·rimani aro bakrimaniko a·song damgnini Joint Military Exercise Shakti-VIII dingtang dingtang skie on·anirangchi namdapatroroenga. France-ni Salgipengchipak La Cavalerie-o Camp Larzac-o ia skie on·anirangko dakon, sak 90 sipairang, chong·motan Indian Armyni Jammu and Kashmir Rifle battalion aro France-ni sipairangni 13ᵉ Demi-Brigade de Légion Étrangère bak ra·aha.
Ia nangrime skie on·anirangko dakanio dingtang dingtang warachakani dakbewalrangko skie on·aha, jekai slairangko goani, obstacle crossing, urban combat drill, joint patrol aro sipairangko dingtang dingtang kamrangna watani – aro uamangko kamrango matsramatna, iarang pilakkon dakgrikenggipa ba kam ka·enggipa biapo gita chacha tarie skiaha.
A·song damgnini sipairangoni dingtangmancha sipai dolrang Electronic Warfare (EW) aro Counter Counter-Unmanned Aerial System (C-UAS) skianirangko dakaha aro iano signal interception, jamming, spectrum control, and drone-neutralisation-rangko mesoke on·aha. Iarangko dakanichi sipairangko neng·nikani donggipa biaprango kam ka·na aro warachakna tarisamsona dakchakaha.
Ia skie ra·anio mongsonggipa bak-ara konta 96-na joint field exercise-ko ka·anian ong·a jeon namen sinjetaniko man·gipa biaprango dingtang dingtang dakna nanganirangko on·aha. Ian uamangni chakchikna man·ani, chanchina changani, aro ge·etanirangko man·e saksa sakgipin baksa kam ka·rimaniko niaha.
Uni ja·mano, India-oni France aro Monaco-ona watatgipa Ambassador Sanjeev Singla, India-ni sipairangko grongna re·bae uamang baksa agangrikaha aro uamangni gisik nange kam ka·anina uamangko rasong on·e, India-Franceni bakrime warachakanio uamangni on·gilanina mitelaha. Uni grongna re·baanichi sipairangna ka·dongbataniko on·aha aro France baksa bakrimanio India-ni on·kanganiko mesokaha.
Uandake, Exercise SHAKTI-VIII nambatgipa dakbewalrangko saksa sakgipinna skie on·anina, aro a·songko warachakanio kam ka·anirangko namdapatanina aro sipai dolsa dolgipin baksa ka·dongrimaniko ra·bana namgipa chol ong·a ine pilakan nikna man·enga.
Na·simang ia video-koba nina man·gen:
Na·simang iakoba poraina man·gen: Assam-ni mande saksa Jengjal Rong•kusi dareo sripe sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
