Guwahati, June 28: Batanggimin sal 5 mangna, Tripura, Mizoram, Manipur a·dokni adita bakrang aro Assam a·dokni salgipeng jolona re·ruraenggipa rel rama aro gari ramarang a·a ruani a·sel champengatako man·aha.

Asssam a·dokno Dima Hasao a·jani Jatinga Lampur jolo June 23 tariko dal·gipa a·a ruaniko chagrongaha aro uni a·selan Lumding-Badarpur-ona mongsong re·enggipa rel aro gari ramarang champengatako man·aha jeni a·selan Barak Valley, Tripura, Mizoram aro Manipur-ni adita jolrangona rel aro gari re·ruraanio champengatako man·aha aro nangchongmotgipa bosturangko sokatna man·gijan sal bonga mang ong·pilengaha.

Ia a·a ruani, National Highways Authority of India (NHAI)-ni rama cho·enganichi ong·aha ine u·ina man·a. Uamangni a·a cho·ani a·sel rugipa a·ani jeng jabol aro a·arang mikka waani gimin rel ramarangona jo·olangaha jean, re·ruraenggipa rel ramarangko champengataha.

Indake, manderangni naljokanina ua rel rama gita re·ruraaniko Northeast Frontier Railway (NFR) champengataha.

National Highway 27 ramaba apsan daken nosto ong·atako man·aha aro re·ruraani ramarangko champengataha.

Ia obostarangko nirokna aro namdapatani cholrangko sandina gita Assam Cabinet Minister Nandita Gorlosa aro NFR General Manager Chetan Kumar Srivastava, ua biapona Bristibar salo re·ange nieaha.

Mikkarang jimbee waani a·sel neng·nikanirangko man·genchimoba ia ramarangko tarina jotton ka·enga.

Na·simang ia video-koba nina man·gen:

Na·simang iakoba poraina man·gen: India-ni sipairang Exercise SHAKTI-VIII-ni gita dakgrik-dinggrikani bewalrangko France-o skie on·a

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Instagram- www.instagram.com/ne_media_hub