Guwahati, July 23: Indian theatre-ni namen mingsingbegipa Director aro Writer, bilsi 77 ong·gipa Ratan Thiyam, ru·utbea somoirangna be·en an·senggijaniko man·e ua Regional Institute Of Medical Sciences-o walni 1:30 bajimango a·gilsakko watangaha. Bilsi 1989 bilsio ua Padma Shri award-ko man·aha. Manipuri jatni dakbewal rikbewalko chasong gitalni theatre baksa brinanina ua namen mingsing minggamako man·gipa ong·a aro ian Indian theatre-ko dingtangatan baksana Manipur jatni dakbewal rikbewalrangni bidingo a·gilsak gimikna u·iatnaba dakchakaha.
Pilak artist-rang, chatro chatrirang aro uko namnikgiparangba uni sianina kal·nimpatokaha. Meghalaya a·dokni Skotong Minister Conrad K Sangma, Thiyam saksa niksamsoe kam ka·gipa saksa ong·a jean uni kamrangchi Manipuri jatni dakbewal rikbewalrangko niksengatna dakchakaha ine ua aganangaha. Manipur a·dokni gitcham Skotong Minister N. Biren Singh, Thiyam-ni theatre, Manipur a·dokni golporang, neng·nikanirang aro janggi silchirangko nitobee mesokangaha ine ua janapataha.
Na·simang iakoba nina man·gen:
Na·simang iakoba poraina man·gen: WGH-ni damgni biaprango badingsrukgipa dolrangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
