Badinganiko rang·gitik champengani a·sel bol 36 truckrang a·song damgnini gisepo jachange donga
Agartala, May 20: Bangladeshoniko badingbaanirangko dakani bidingo, India rakbata niamrangko ra·gataha aro indake ong·anichi Salgro-Salaram a·dokrangni sima ari-gita badinganirango so·sojengjeng ong·anirangko nikna man·aha. Chola-ba·rarang, cha·anirang, biterang, biteoniko tarigipa ringanirang, kil, plastic aro PVC bosturang aro bolni chokki-table aro uandakgiparangko Bangladesh-oniko sorok gita ra·bana man·jawa ine Directorate General of Foreign Trade (DGFT) parakataha. Ia janapgimin bosturangko Indiaona chi rama gitasan Nhava Sheva aro Kolkataona ra·bana man·aigen.
Niamko dontongatanichi mongsonggipa sima ari jolrango so·sojengjeng ong·anirangko nikna man·aha. Uandaken, tangka kror 5-ni chola-ba·rarangko ra·baenggipa bol 36 truckrang Benapole (Bangladesh) aro Petrapoleni (India) gisepo jachange dongengaha.
Ia gitalgipa niamni bidingo May jani 19 tariko Agartala-o Integrated Check Point-o (ICP) dilgiparangni tom·aniko ong·ataha. Shailesh Kumar Yadav, Director of Industries & Commerce, Tripura, ia tom·aniko dakdilaha aro uano Customs, Border Security Force (BSF), Land Port Authority of India, Immigration-ni manderang aro badinggipa dolrang bakko ra·aha. Ia tom·anio mongsonggipa chanchianiara badinganiko champenganichi ong·gipa obostarangko nina aro uarangko namatna ine ong·a.
Champenganirangko ra·gatanio badinggiparangni gisepo jajrenganirang ong·on, Indiaon nambata bosturangko taria aro ia champenganiara a·songna rusianiko ra·bajawa ine All Tripura Merchant Association ia gitalgipa niamko ra·gataniko namnike parakatskaaha.
Apalbate niatgenchimode, Global Trade Research Initiative-ni (GTRI) gitade, ia champenganirango $770 millionmangni damni bosturang ong·a, jean Bangladeshoniko ra·bagipa bosturangoni chu·gimikoni 42% per cent ong·a. A·song damgnini gisepo meligijanirang bang·batroroengon, ian bading-chiwalani bidingo so·sojengjeng ong·ate bang·bata neng·nikanirangko ra·banaba donga.
Dingtang dingtang bosturang jekai na·tok, liquefied petroleum gas (LPG), cha·ani to, aro rong·te dokgiminrangko champengani dongjawa aro iarangko chi rama aro sorokranggita ra·bana man·kuaigen ine DGFT talate on·aha.
Na·simang ia video-koba nina man·gen:
Na·simang iakoba poraina man·gen: IMD Shillong, Meghalaya a·dokni dingtang dingtang biaprango mikkarang jime waanina mikrakataniko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
