Guwahati, May 20: Assam a·dokoni cha bagano kam ka·gipa jat-oni sak 24 manderangko Tezpur-o kam man·gen ine togie namgijagipa manderang rimange drae kamrangko ka·ataha. Ia sak 24 manderangko pring 5 bajioni attam dok bajiona maming dormaha gri aro phone mangmangkoba jakkalna on·gija drae kamrangko ka·ataha.
Gimae dongenggipa mande saksani jikgipa Police stationa iani gimin uiate complainko seaha aro Jorhat Police iako sandina ta·raken kamrangko ka·chakataha. Adita bimchipe kam ka·ani ja·man ia gimae dongenggipa sak 24 manderangko Arunachal Pradesh-ni West Kameng district-o donggipa Rupa minggipa biaponiko policerang naljokatna man·aha.
Ia namgijagipa kamo jak donggipa manderangkoba policerang rim·na man·aha uamangara Sonowal Seuji Gaon songoni Lakshman Dutta (59) aro Dahingeapar Tea estate-oni Pitka Mahji (31) minggipa manderang ong·achim. “Chinga songrebamitingo uamang maiba tusimepekatni samko on·ahakon, chinga mamingkoba uiaha” tol·e rimanga man·giparangoni saksa aganaha.
Uamang an·tangtangnade Tejpurona re·angenga inesa chanchiachim indioba uamangni chanchia namen dingtangaha , uamangko Arunachal Pradesh-onasa salbaaha aro ka·saninggija drae kamrangko ka·ataha. Indioba policerang rakbee kam ka·anichi uamang sakantikon a·doktangona rimbapilna man·aha ine Jorhatni SP Shwetank Mishra aganaha.
Na·simang ia video-koba nina man·gen:
Na·simang iakoba poraina man·gen: Indiaona Bangladeshoniko badinganiko dontongatanichi tangka kror 5-ni chola-ba·rarang Benapole-Petrapole sima ari-o napna man·gija donga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
