Shillong, Jan 15: Meghalaya a•dok baksa nangchapgipa Indo-Bangla simarangko matchote fencing kana ba kapengna gita a•dok sorkari raken kamko ka•enga ine Bristibar salo, a•dokni Chief Minister Conrad K Sangma, ku•rachakaniko on•angaha.
Iani bidingo kobor ra•timgipa manderang baksa agangrikengon, India aro Bangladesh a•songni simarangko chu•gimik kapengna gita Meghalaya sorkari aro India sorkariba raken kam ka•enga aro ia kamko bakan matchotna ka•dongenga ine Sangma aganaha.
Chief Minister-ni parakatani gitade, Meghalaya aro Bangladesh a•songni gisepo donggipa kilometer 440 simarangoni km 40-mangni gita simarango, dingtang dingtang a•selrangchi fencing-ko kana man•kujaenga.
Bangladesh a•song baksa nangchapgipa simarango a•dok sorkari, mikraken kamko ka•enga ine janapatskaengon, simarango Meghalaya sorkari, Border Security Force (BSF) aro pilak dolrangan mikrake kam ka•enga ine Chief Minister parakataha.
Re•anggipa 2025 bilsini December 24 tariko, BSF, Intelligence Bureau aro dingtang dingtang dolrang baksa simarangko chel•chakani bidingo tom•e chanchirimanikoba Chief Minister janapangaha.
