Williamnagar, Dec 1: A·chik a·songo bang·a manderangni ka·oksibee nisamsoenggipa ‘Interview Kamna’ jawilwatni gnigipa bakko, November 30 tarik Robibar attamni 5:00 bajio release ka·aha.
Ia jawilwato A·chik a·songni jawilwato niksenggipa aro manderangni namnikgipa Jese James R. Marak, Silora G. Momin, Laiziman N. Sangma, Bahul S. Marak aro Simon George S. Marak kal·aha.
Ia jawilwatni golpoko Simon George S. Marak seaha aro ua an·tangan Director ong·e film-koba edit ka·aha.
Ia jawilwatko tarianio chusokgipa ong·na man·ahani gimin ua, dingtangmancha Regional Planning & Development Council Tura-ni Deputy Chairman Sengbath R Marak-ko mittelpilangengon, chadamberangko jawilwatni a·bao ra·dona aro niksengatna dakchakengani giminba gisik ka·tong gimikchi mittelataha.
“Ia jawilwatko tarianio Pa Sengbath R Marak, tangka paisani gita dakchakanirangko on·jagenchimode ia jawilwat da·onaba nakatna man·kujawachim, uni gimin anga dingtangmancha ia dakchakaniko on·anina Pa Sengbath R. Marak-ko mittelna ska,” ine Marak aganaha.
Jawilwato kal·giparangoni saksa aro A·chikrangoni jawilwato saksa niksenggipa Jese James R. Marak-ba ia jawilwatni gimin talate on·angengon, ia jawilwatko skatang download ka•e upload ka·piljachina mol·molataha.
Na·simang iakoba nina man·gen:
Na·simang iakoba poraina man·gen: M’laya sorkari post-matric scholarship-na gong kror 130 tangkarangko on·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
