Boko, Dec 1: Robibar salo Kamrup a•jani Rabha Students’ Union adita dolrangni dakchakanichi Boko-ni Kenduguri-o blockade-ko ong•atenba National Highway 17-o adita kontarangna garirangko re•na on•jaha.

Jegalanirangko dakgiparang sorkarini kosako matnanganirangko chrik-a•bokaha, aro jat ge•dokna tribal status-ko on•na ma•mong sorkarini chanchirimaniko raken jegalangaha. Indake dakanichi da•o dongenggipa tribal dolrangni bilrang aro dakna man•gnirangko komiatgen ine uamang an•tangtangni jajrengsoanirangko parakataha.

Ministerial committee-ni report-rangko uamang jegalanirangko dakenggipa biapo so•e galaha. Sorkarini kosako matnanganirangko dake namen so•sojengjeng ong•aha indiba mamung doka-satani ba mata-buani dongjaha.

Jegalanirangko nirokatna aro a•sel ong•gnirangko champengna Boko-ni Police dolrang jegalanirangko dakenggipa biapo donge nitimaha. Adita somoirangni ja•mano blockade-ko ra•galaha aro highway-o garirangko re•rurana watpilaha.

Jat ge•dokko Scheduled Tribe-o chanchapgenchimode dongsogimin jatrangni bilrang aro dakna man•gnirang bilgribatanggen ine Rabha Students’ Union changsatai an•tangni jajrenganiko parakataha.

Na·simang iakoba nina man·gen: 

Na·simang iakoba poraina man·gen: ‘Interview Kamna’ jawilwatko release ka·a

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub