Guwahati, March 7: International Women’s Day-na skang, ITC Sunrise Spices, Assam-ni dingtang dingtang biaprango namroro-silroroaniko ra·baenggipa me·chikrangko niksengatna aro mande ra·na bikotgimin chol, ‘Udyoini’-ko parakataha.
A·dokna aro uno songdonggipa jatrangna on·kange kam ka·na ine, ia mande ra·aniko Red Fm 93.5 baksa bakrime ong·ataha aro Assam-ni dingtang dingtang a·jarangoni sak-15 nama chu·sokaniko ra·baenggipa me·chikrangko mande ra·aniko dakangaha. Ia me·chikrangko uamangni bil gnanganichi, dilgipa ong·anichi, bading-chiwalanirangko dakdilanichi bang·a nokdangrang aro songrango nama dingtanganiko ra·baanina mande ra·angaha.
Ia tom·bimonganio dingtang dingtang dolrang aro sorkarini official-rang bak ra·angaha jekai, Dorector of Handloom & Textiles, Assam, Moyuri Ojha; Joint Director, Commissionerate of Industries & Commerce, Assam, Manju Rani Talukdar’ North Eastern Handicrafts and Handlooms Development Corporation Ltd.-ni Managing Director Mara Kocho; Assam sorkarini Department of Innovation, Incubation & Startups-ni COO, Omkarnath Rath; aro Guwahati-o donggipa Bureau of Indian Standards-ni Director Shouvik Chanda.
Uamangni dongpaanichi dingtang dingtang dolrangni bakrime saksa mandeni kam ka·aniko dal·roroatanio dakchake on·ani gamchataniko mesokaha.
“Angnade salantian Women’s Day ong·a. An·ching ia salko March 8-o dingtangmancha manigenchimoba, me·chikrangni dangdike on·anirangko an·ching salantian mitelna nanga. Angni kam ka·enggipa department-o, 80% percent ong·nasipilede me·chikrangan ong·a. Jakgitele kam ka·e tangkatangko man·aniara uamangna namen gamchata. Me·chikrang kam ka·e an·tangan tangkarangko man·on, uamangna ka·dongbataniko on·a,” ine Moyuri Ojha aganangaha.
Una agreba, me·chikrangna, mongsongbate songo-noko donggiparangna dakchakna ine sorkari bang·a scheme-rangko a·bachengataha ine ua aganangenba, ia scheme-rangni bidingo manderangna u·ianiko on·na nanga jedakode bang·bata me·chikrangan ia cholrangko ra·e namgnirangko man·na man·gen ine ua agandapangaha.
“Iano an·chingni tom·bimonganiara songsarni pilak gadango donggipa me·chikrangnan namgniko on·a. Ian uamangko uamangni me·chik ong·aniko mande ra·na didianiko on·a. An·ching songsarko namdapatna, saksa sakgipinko dakchakgipa aro bil gnangatgipa ong·na nanga,” ine Industries, Commerce and Public Enterprises Department-ni Joint Director, Many Rani Gogoi Talukdar aganangaha. Uandake me·chikrangna namgipa songsarko ong·atna cholrangko on·na manderangni chanchianirangkoba apalatna nanga ineba ua aganangaha.
North Eastern Handicrafts and Handlooms Development Corporation Ltd.,-ni Managing Director, Mara Kocho-ba jinmana aganprakanirangko dake, me·chikrangko mande ra·o aro bil gnangatosa songsar namroro-silrorona man·a ine aganangaha.
“Skang salrango, me·chikrang uamangna kragipa gadangko man·ja, indiba da·ode, je kamoba me·chikrangko janggilo donna man·jaha. Me· chikrangko mande ra· gipa aro bil gnangatgipa a·songrang aro songsarrang pangnan namgipa ramaona soka,” ine ua talatangaha.
Songo-noko bading-chiwalani cholrangko a·bachengatgiparangoni, jakni kamrangko changgipa-sapgiparangona kingking mande ra·anirangko dake, Udyoini, Assam-ni silroro-namroroaniko tang·dororoatgipa bimchipa manderangni kattarangko parak ong·atenba a·doko namdapaniko bilakbatroroata.
Na·simang iakoba nina man·gen:
Na·simang iakoba poraina man·gen: Conrad K. Sangma, 1972 bilsio a·dok man·chengaoni M’laya a·doko ru·utbate Skotong Minister ong·chenggipa ong·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
