Tura, Oct 15: West Garo Hills a.jao donggipa Jengjal Baljek Agal-o Farmers Market (FM)-ko rikna gita Bristibar salo a.dokni Power Minister, Pa James Pangsang K.Sangma pangchakani ro.ongko songaha. Tom·anio West Garo Hills-ni Deputy Commissioner (DC) Pa Ram Singh, Additional DC Pa C N Sangma, Rongram Block-ni BDO Ma S Ch. Momin, dingtangdingtang department-ni Officer-rang, Farmers Market Committee-ni dilgiparang, ma.gipa dolrang aro songni manderang bakko ra.angaha.

Jinmana aganengon Pa. Sangma game ge.e man.gipa bosturangko pale sim.e cha.anio ia antidamona dingtang dingtang a.dokni manderang re’bae brena man’gen, ia biap gimikni gitan bijangchi ong.an baksana National Highway sepango ong.ani gimin namen re·togipa aro re·pak dopakna altugipa ong.a, indake ong·engon  koros ka·na re·bagipa rangna dam rangko tik ka·e on·ani aro gari rangko donramo donatani committee ni daitoo ong·gen ine aganaha. 

Ia rikgnigipa antidamko Jengjal ni manderangna on·kangengon Pa. Sangma sakanti pale sim·e cha·giparangnan namgniko ra·bachongmotgen uni gimin ia antidamko an·tangtangnin ine chane name rongtale aro simsake rakkibo ineba aganaha. Adokni skotong minister Pa. Conrad K. Sangma ni kang·kare kae rakbee kam ka·anichisa da·alo iako  bimang ongatna pangchakani roongko songna manaha  ineba Pa. Sangma uko mitele aganaha.

Dadenggre jolona biljolini bilrangko sringbaenggipa 32 KV o matchotahaode biljoli gri dongenggipa dam 12 songrangonaba ukon sringangskae nokantionan biljoliko sokatgnok aro bil rangko jakkalani kajinakoba altubate gamna man·gnok ineba Power Minister Pa. James K. Sangma aganaha. 

A·doko ia bilsio mikka bitchi rangni ga·akani 40% batahani gimin rama jal·angrang nosto ong·atako man·aha ine aganengon Pa. Sangma Rongram oni Phulbariona tarigimin rama ko namdapatna pilak kam rangan matchotaha uko ru·utgijan a·bachengatgnok aro Dadenggreni Hospitalonaba Jal Jeevan Scheme gita chi rangko sokatgnok ineba aganaha.