Shillong, Jymmang 16: Ka kynhun jong ka World Bank kala leit jngoh ia ka Sohra kaba don ha East Khasi Hills district ban khmih bniah ia ki bynta kiba kongsan jong ka koit ka khiah bad ka bha ka miat jong ki samla, kaba la pyntreikam hapoh jong ka Meghalaya Health Project bad ka MPOWER programme.
Kane ka kynhun kala leit jngoh ia ka Sohra Community Health Centre (CHC), ia kaba la kyntiew kyrdan sha ka First Referral Unit (FRU) hapoh jongka State Service Delivery Redesign ka sienjam kaba la kyrshan da ka Meghalaya Health Project.
Ki ophisar kila ong, ba ka CHC kala treikam na ka bynta ka IPA/OBB lyngba ka jingkyrshan ka Outcome Based Budgeting, da ka jingthmu ban pynkhlain ia ka jingai jingshakri ha ka koit ka khiah bad ban kyntiew ia ka jingai jingsumar ha ki shnong ki thaw.
Ha katei ka jingjngoh, katei ka kynhun kala khmih bniah ia ka rukom treikam jong ki jaka ai jingsumar bad ban ialeh ban pynjanai shuh shuh. Ka kynhun jongka World Bank kala leit jngoh ruh ia ka Pomlum Primary Health Centre (PHC) ban khmih bniah ia ka jingpyntreikam ia ka Health and Wellness Programme ha ki shnong ki thaw.
Kum shi bynta jong kane ka jingleit jurip, kane ka kynhun kala leit ruh sha Cherra Presbyterian School ban khmih bniah ia ki kam ki jam kiba la leh lyngba Meghalaya Multisectoral Project for Adolescent Wellbeing, Empowerment and Resilience (MPOWER).
Kane ka kynhun kala peit ruh ia ki jingai jingbatai ha kaba iadei bad ka bit ka biang ki samla kaba la pynleit jingmjut ha ki jingai jingpynsngewthuh, ban long kiba skhem jingmut bad ka jingroi kaba salonsar na ka bynta ki samla.
Kala leit ruh ban jngoh ia ka CMYC Centre ha Madanlyngki, kaba la kyrshan hapoh jongka MPOWER ban khmih ia ka rukom treikam na ka bynta ban pyndonbynta bad ban pynkupbor ia ki samla.
Hadien kane, katei ka kynhun kala leit ruh ban jurip ia ka Sub-Centre ha Mawkdok, kaba la tei lyngba ka Meghalaya Health Project, ha kaba ki ophisar kila pyni ia ka jingpynbha ia ki jingtei, ka rukom pynwandur ia ka koit ka khiah bad ban pynkhlain ia ka jingshakri ha ka koit ka khiah ha ki thain nongkyndong.
Ki ophisar kila ong, ba katei ka jingleit jurip kadei da ka jingthmu ban khmih bniah ia ki projek kiba dang iaid shakhmat bad ka jingiatreilang ban pynkhlain ia ka koit ka khiah bad ia ki sienjam ban kyntiew ia ka imlang sahlang hapoh Meghalaya.
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
