Guwahati, Aug 22: Bristibar salo, Assam-ni Kamrup a·jani Ramdia-o “Mera Resham Mera Abhiman” (MRMA) campaign-ni bakni gita, Muga silk-ko kilding rikani training programme-ko salsana ong·atangaha.
Biaptangni manderangko muga kildingrangko rikanio namdapatatna aro namgipa rokomni kildingrang bikotna gita gital gital dakbewalrangko skie on·na inenba ia programme-ko Regional Silk Technological Research Station (RSTRS), Guwahati-ni ong·ataha.
Sak 65-na baten biaptangni ba·ra dokgiparang, kilding rikgiparang aro iandakgipa kamrangko ka·e janggi tangani cholrangko dakenggipa me·chikrang ia program-o bak ra·angaha jeon uamangna Muga kilding rikani kolko jakkale skie on·anirangko aro ka·e mesokanirangko dakangaha.
Iandakgipa skie on·anirangko dakanichi uamangni kam ka·anirangko namdapatgen aro man·anirangko bariatgen ine bak ra·giparang kusi ong·e aganangaha.
Muga kildingko ra·e kamrangko ka·anirangko bilakbatatna gitalgipa technology-rangni gamchatani gimin RSTRS-CSTRI-ni Scientist-B Abhishek Tripathi jinma talate on·angaha.
Ia program-o bang·a dingtang dingtang dilgiparang jekai CMERTI-ni Director Dr, Kartik Neog aro RSTRS-ni Scientist-D Dr. Naveen V. Padaki bak ra·angaha aro uamang muga kildingrangko tarianio pangkamgipa cholrangko ra·gatna gitcham aro gital dakbewalrangko brine kam ka·anirangni namgnini gimin talate on·angaha.
Silk Samagra scheme-ni ning·o dakchakaniko on·angkugen ine Central Silk Board (CSB) Guwahati-ni Regional Officer, Nagaesh ku·chake on·angaha aro Assam-ni Department of Sericulture-ni Joint Director, Noren Malakar muga kilding-ko rikanio a·dokni dakchakanirangko janapangaha.
Ia tom·anio mingsa ning·tue chanchianio matchotangaha, chong·motan: chasong gitalni kilding rikani dakbewalrang baksa Assam-ni gamchatgipa dakbewalko nangdimataniara kilding rikenggipa me·chikrangko bil gnangatna, janggi tangani cholrangko namdapatna aro Muga silk-ni gamchataniko ripingangna man·gen.
Ian a·doko pangkamgipa cholrangchi sericulture-ni dakbewalrangko gipatna MRMA-ni campaign ka·anio ja·ku de·anirangko mesokani ong·a.
Na·simang iakoba nina man·gen:
Na·simang iakoba poraina man·gen: Sanbor Shullai, M’laya a·doko tourism-ko tang·doatenganina MDA sorkariko de·mitela
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
