Guwahati, Oct 15: National Highways and Infrastructure Development Corporation Limited (NHIDCL), Guwahati-ni Executive Director aro Regional Officer-ko lak 10 tangkarangko ku·mitu ra·engmitingko Central Bureau of Investigation (CBI) rim·aha ine koborrangko man·aha.
NHIDCL-ni official aro unbaksa mande saksako CBI ja·ga saenba, Mongolbar salo highway-ko rikani project-o favourable extension of time (EOT) aro matchotani certificate-ko tarinanina ku·mitu on·miting aro ra·engmitingko Mongolbar salo rim·aha. Ia project-ara Assam-ni Demow-oni Moran Bypass-ona dakanggipa National Highway-37ko four lane tariani baksa NHIDCL-ni ka·enggipa gipin project-rangni gimin ong·a.
Manderangko rim·ani ja·mano, India-ni damsni biaprango, jekai matnangako man·giparangni nokrang aro office-rango, CBI sandirikkitanirangko dakaha. Unon uamang Guwahati-ni saksa sorkarina kam ka·gipa mandeni nokoniko kror 2.62 tangkarangko man·aha.
Una agreba CBI, NHIDCL-ni officer-ni chimonggimin bang·a gam-jinrang dongani sakkirangkoba man·aha. Am·sandie nianirangko a·bachengaton, India-ni dingtang dingtang biaprango matnangako man·gipa manderang aro uamangni nokni manderangni bimungo a·arang baksa nokrang aro dam-20 apartment-rang donga ine nikna man·aha. Unbaksana adita dam rakbegipa garirangko breani lekkarangkoba am·sandiani somoio man·aha.
Dingtangmancha koborrangko man·anio pangchake ia obostani kosako badi ka·aha, aro uandake police dolrang uamangko ja·ga sae rim·aha ine official-rang parakataha. Da·ona kingking man·gimin gam-jinrangni nokgiparangni gimin namedake am·sandianirangko da·o dakenga.
Rim·ako man·gipa officer aro unbaksa mande saksako da·asalni bako CBI case-rangni Court of the Special Judge-ko mikkang pa·atanggen.
Na·simang iakoba nina man·gen:
Na·simang iakoba poraina man·gen: Zubeen Garg-ni sianina rim·a man·gipa manderangko Baksa jail-ona apjitatna sienga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
