Williamnagar, Dec 15: Williamnagar-o donggipa Loyola College-ni National Service Scheme (NSS) unit, re•anggipa December 10 tarikoni 14 tarikona salbongani Annual Special Camping program-ko Songsak Block-ni ning•o donggipa Daring A•pal songo ong•atangaha.
Ia Special Camping program-ko NSS-ni sakgittam program officer, chong•motan Withseng Ch Marak, Probestine N Sangma aro Silgrikchi D Sangma-ni dilanichi ong•atangaha aro ia camping program-o Loyola College-ni sak 32 NSS volunteer-rang bak ra•angaha.
Daring A•pal songo SSA Upper Primary School nok, batanggimin bilsi gittam bilsibrimangonin namsrangjahani a•sel skulo poraienggipa bi•sarangna kenchakna nangani ong•engani gimin ia camping program-ko ong•atanio Loyola College-ni NSS unit, ia skul nokko taridapna gita nokking pinani tinrangko on•gilangaha.
Koborko on•ani gitade, ia skul nokko tarina gita skulni headmistress aro skul managing committee-ni president, Education department aro dilgiparangni dakchakanirangko bi•ahaoba maming dakchakanirangko man•chipjahani gimin Loyola School-ni NSS unit, ia skulko rikna gita nokking pinani tikrangko on•e dakchakangaha.
Una agreba ia Special Camping program-ko ong•atanio NSS volunteer-rang, songni nokni manderangna ba•ra kancharangkoba on•gilangaha aro iandake ba•ra kancharangko on•gilanichi, sin•karini somoio songni manderangna, mongsongbate ma•a paarangna, chadamberangna aro bi•sarangna namen dakchakani ong•aha.
Ia salbongana ong•atanggipa special camping program-o Loyola College-ni NSS Unit, dingtangmancha me•chikrangna lekka porako aro simsak nirokaniko on•na nangani giminba awareness program-ko ong•atangaha.
Unbaksana ia camping program-o Loyola College-ni NSS Unit, kal•susaani, changa sapaniko mesokani, chrok mesaani aro git ring•ani program-rangkoba ong•atangaha aro ia program-rango songni manderang bak ra•e, NSS volunteer-rang baksa nangrimaniko bilakbatataha.
Na·simang iakoba nina man·gen:
Na·simang iakoba poraina man·gen: Deficit School-o skigiparang, uamangni DA-ko 51% mangni gita tang·doatchina dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
