Williamnagar, 31 March: Loyola Secondary School-ni anti gimikna ong•atanggipa Sports Meet, March 31 tariko namen an•saobee matchotangaha.
Ia sports meet-ni bon•kamgipa salo Williamnagar Constituency-ni MLA aro Public Health Engineering (PHE) Department, Housing Department, Soil and Water Conservation Department-ni Minister Pa Marcuise N. Marak mongsonggipa sokgipa ong•e bakko ra•angaha.
Ia tom•anio Fr. Jiban tom•bagipa sakantiko rimchaksoengon, Jesuit dolna pangnan dakchakanirangko on•engani gimin dingtangmancha Pa Marcuise N Marak-ko mittelpilangaha.
Ia tom•anio Pa Marcuise N. Marak, mongsonggipa sokgipa ong•e jinmana aganprakengon, chatro-chatrirangko bimchipe poraichina, ma•gipa-pagiparangkoba an•tangtangni dedrangna simsakchina aro uamangko nama gadango skie ra•anirangko dakate, A•chik a•songo IAS, MCS, IPS aro uandakgipa gadangrangona sokatna gita rake kam ka•china didiangaha.
Ia sports meet-o bakko ra•e chu•sokgiparangna adita boksisrangko Pa Marcuise N. Marak-ni jakchi on•angaha aro mitam boksisrangko sokbagiparangoni gipinrangni jakchi on•ange, sports meet-ni nisanko ra•onaha aro bon•kamao ia sports meet-ko Loyola Secondary School-ni Principal Fr. Robert SJ matchotataha.
Iakoba poraie nina man·gen: MGNREGS-ni chu•gimik kamko man•ja ine songni manderang BDO-ko matnanga
