Guwahati, June 5: Sukrobar salo, Union Home Minister Amit Shah, ma·mong sorkari India-ni sima ari-rango, drone-rang, sensor-rang, smart fencing aro chasong gitalni gipin technology-rangko jakkale sima ari jolrango naljokataniko mangrakbatatna dam 7 ba dam 8 biaprango ta·raken chonbegipa dake niani “Smart Border” Project-ko a·bachengatgnok ine parakataha.
Shah, Tripura-o donggipa BSF-ni Lankamura Border Outpost-na re·ange nianiko daka ja·man, ia project matchotangengaha ine u·iatan baksana ua District Official-rang, police-rang, songni dilgiparang aro sima ari-ni naljokatgipa dolrangko apsan nangrime kam ka·gipa dol ong·atgen ine ua u·iatangkuaha.
Ma·mong sorkari, 119 km mang ong·gipa gital sima ari-ko guare kaaniko namnike ra·chakani gisepon, km 650 mangni gita gitcham guare-rangko taridapanikode a·bachengatman·aha ineba ua parakataha. Ia Smart Security System-ko jakkale dingtang dingtang kengnirang jekai pekatgipa bosturangko badingsrukani, mande rim·srukangani, niamgri silchidare badingsrukani aro u·ina man·gijagipa drone bilbaanirangko champengsona gita man·gen ine Shah u·iatangaha.
Shah, uni re·angani somoio, sima ari-o naljokani kamrangko nipilaniko dakan baksana BSF personnel-rangko grongenba, 37th Battalion-o gital dongchakanirangko oprake on·angaha aro 97th Battalion-ni Quarter Guard Complex-na pangchakanikoba songe on·angaha.
Amit Shah, World Environment Day-ni salo, Agartala-o agar bol chara-rangko ge·an baksana Central Armed Forces (CAPFs)-ni personnel-rang 2019 bilsio kror 7.5-na bate bol pangrangko ge·aha ine u·iatengon, re·baenggipa bilsio uamang kror 2-na bate bol pangrangko ge·na miksongenga ineba ua agandapangkuaha.
Tripura-ni Skotong Minister Manik Saha baksana Ministry of Home Affairs, Intelligence Bureau aro BSF-ni a·gipibatgipa official-rangba uni re·angani somoio dongpaaha.
Na·simang iakoba nina man·gen:
Na·simang iakoba poraina man·gen: Mawrah-o World Environment Day-ko manianio CM bak ra•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
