Shillong, Jun 5: Sukrobar salo, Meghalaya a•dokni Chief Minister Conrad K Sangma, East Khasi Hills a•jani Mawrah-o World Environment Day-ko maniani bak gita program-ko ong•atanio bak ra•angenba, samtangtango ong•telaigiparangko ripingna, tourism-ko ra•dona aro songo noko namroro silroroaniko ra•bana gita sorkarini ka•enggipa kamrangni gimin talate on•angaha.
Ia program-ko Tourism Department, Meghalaya Basin Management Agency (MBMA) baksa nangrime ong•ataha aro ia program-o sorkari official-rang, songni dilgiparang aro jolo songdongenggipa manderangba bak ra•angtokaha.
Ia program-ko ong•atanio a•dokni Chief Minister, songo noko buring bolgrimrangko tangatpilna didina gita Payment for Ecosystem Services (PES)-ni ning•o seoka man•gipa songrangna aro dingtang dingtang dolrangna cheque-rangkoba suale on•angjolaha.
Mawrah Lake-o gital kuligipa Eco-Cottage aro Glass House Restaurant-koba a•dokni Chief Minister niangenba oprake on•angjolaha.
World Environment Day-ko maniani bak gita ia program-ko ong•atanio a•dokni Chief Minister, jinma bol ge•anioba bak ra•angaha.
Ia program-ko ong•atanio a•dokni Chief Minister aganprakengon, Mawrah songara skango, chirangko man•jae aro buring bolgrimrang gimaange nangchakeako man•gipa ong•achim indiba ia songo chibisikrangko, buring bolgrimrangko aro chirangko chimonge rakkina kam ka•anichi da•alo songko tangatpilna man•aha ine ia songko gipin songrangnaba dakmesokgipa gita ong•enga ine aganaha.
Mawrah-o gital kuligipa Eco-Cottage aro Glass House Restaurant-ni bidingo janapangengon, tourism-de iandakgipa nokrangko ba dokkanrangko kulianikosan miksongaia ong•ja indiba manderangko sokachakanio songni manderang maikai mesoka, ukosa miksonga ine Chief Minister aganaha.
Sanna banani kamrangni gimin janapatskaengon, nokrangko rikamangmangchide sanna banani kamrango chu•sokaniko man•na amja indiba gipin biaprangoni re•baenggipa manderangko sokachakanio namgipa bewalrangko mesokanichisa chu•sokanikode man•a ama ine Sangma aganaha.
Meghalaya a•dokni gamchatbegipa daka rikanirangko, doka dam•ani, chrokani, golpo seani, ganding chindingrangko mesokani aro uandakgipa gipin kamrangchi a•gilsakna mesokanio songni manderangko aro chadamberangko bak ra•china gitaba ua didiangaha.
Na·simang iakoba nina man·gen:
Na·simang iakoba poraina man·gen: Natya Samity bilsi 100 gapaniko maniani bak gita Tura a·bri aro Babupara chiringsamo pang 100 bol chara-rangko ge·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
