Shillong, Feb 12: Bristibar salo Indian Council of Social Science-North Eastern Regional Centre (ICSSR-NERC), Shillong-o, India-ni Salgro Salaramo ma•ambioni u•i-ma•sianirangni gimin salgnina National Workshop-ko ong•atangaha. Ia programme-ko The English and Foreign Languages University (EFLU), Regional Campus Shillong, aro ICSSR-NERC bakrime ong•atangaha.
Ia workshop-o India-ni Salgro Salaram-o janggi tangani gimin niate Indigenous Knowlege Systems-ni (IKS) ba ma•ambioni u•i-ma•siani su•uani aro da•oni chasongo gamchatani bidingo parakatna miksongenga. Iano, namedake am•sandianirangko dakna aro ma•ambioni ong•bagipa u•i-ma•sianirangko tangchaatpilna cholrangko on•na jotton ka•enga.
A•bachenggipa tom•bimonganio North Eastern Hills University-ni (NEHU) Pro Vice Chancellor Prof. Sumarbin Umdor re•bae bak ra•angaha. Gipin jekai Dibrugarh University Prof. Gipin dilgiparang jekai Mridul Bordoloi aro Staff Selection Commission, Odisha-ni Member Prof. Shruti Das-ba ia tom•anio bak ra•angaha. ICSSR-NERC-ni Honorary Director Prof. Bhagirathi Panda ia tom•bimonganiko dilangaha aro EFLU Shillong-nibAssociate Professor Dr. Arzuman Ara workshop-ko dakdilangaha.
Bak ra•giparangko rimchaksoenba ICSSR-NERC-oni Kalari Lyngdoh ma•ambini bidingo am•sandianirango dingtang dingtang dokrangni bakrimani gamchatani gimin talatangaha. Dr. Ara Salgro Salaram-o ma•ambioni ong•bagipa bang•a dingtang dingtang jatrangni gimin aganangaha aro ma•ambioni ong•bagipa u•i-ma•sianirangko tangchaatpilna nangchongmotengani gimin talatangaha.
Uandake, Prof. Umdor songni-nokni manderangni ma•ambioni u•i-ma•sianio pangchake ja•rikbaenggipa dakbewalrang, mongsongbate Meghalaya-o samtangtangoniko jakkalgipa samra-sampilani gimaangenggipa cholrangni gimin aganangaha. Uandake, Living Root Bridge-rangara chasongni chasongna ma•ambioni u•i-ma•sibae dakbaenganiko mesoka ine aganangaha. National Education Policy India-ni chasongni chasongna u•i-ma•sianirangko tangchaatpilna cholrangko on•a ine Prof. Shruti Das aganangaha. Prof. Bordoloi ma•ambioni bebera•anirang ong•telaigipa a•gilsako pilak baksa nangdimeani bidingo talate on•angaha.
Ia workshop February 13-o ong•angkugen aro technical session-rango a•songni dingtang dingtang biaprangoni scholar-rang aro bak ra•giparang re•bae bak ra•anggen.
Na·simang iakoba nina man·gen:
Na·simang iakoba poraina man·gen: GHADC-ni 29 seat-rangon Congress dol susaanggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
