Tura, Aug 9: Mongolbar salo, chang 5-gipa Inter Mahari Men’s Football Tournament-na Tura Chandmari-o donggipa Govt. Boys Hr. Sec. School Field-o ge•gni match-ko kal•angaha. Skanggipa kal•susaanio Chambugong mahari Dalbot mahariko cheaha gnigipa kal•susaanio penaltyko chipe Nengminja mahari Gabil mahariko chegipa ong·aha.
Skanggipa kal•susaanio, Chambugong mahari Dalbot maharini susagiparangko 5-0 chipaha. Kal•a a•bachengaonin Bentom Ch Marak-ni dilanichi Chambugong Mahari nambate kal•aha aro minute 29-gipa aro 47-gipa robolko chipaha. Tremarchwal Ch Marak minute 54-gipa aro 59-giparango robolko chipaha, aro Dimseng Ch Marak minute 60-gipao robolko chipe doltangna cheaniko ra•baaha.
Cholrangko man•genchimoba Dalbot mahari-ni kal•susagiparang net-ni janggilchipakko nikjaha. Match-ko kal•mitingo darangnaba yellow cardrangko on•jaha.
Gnigipa kal•susaanio Nengminja aro Gabil dolrangni gisepo krengbate kal•susaanirangko nikna man•aha. Gabil maharini Ronpriku Momin 6-gipa minute-o robolko chipchengaha. Kal•susaani gnigipa bako minute 32-o Angdrebath Sangma penaltyko chipe kal•susaanio dolgnian 1-1 ong•aha.
Dolgnian dolsa dolgipinoniko robolko chipaoniko namen champengsoaha, aro donsogimin somoini ja•mano, ia kal•susaanio penaltyko chipaniona sokaha. Penaltyko chipanio chang bongaoniko changbri chipe, Gabil maharini kal•susagiparang changbongaoni changgnisan changgni chipna man•jaha aro 4-3ko man•e Nengminja chegipa ong•aha.
Re•baenggipa Sombar sal August 11 tariko ia apsan biap Govt. Boys Hr. Sec. School Field, Chandmary, Tura-o women’s category-ko ong•atskagen jeon Do•po mahari Tegite mahari baksa kal•susaanggen.
Na·simang iakoba nina man·gen:
Na·simang iakoba poraina man·gen: Kuki Civil Society, Kangpokpi-o rama champengatenganiko ra·galpila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
