Guwahati, Aug 29: Re·anggipa August jani 25 tariko, Assam-Meghalaya sima ari-o donggipa Lahapara-o songni tom·bimonganiko ong·ataha, jeon songni manderang aro official-rang mande aro mongmani gisepo nanggrikaniko komiatna a·dok damgnini Forest Department-rangko apsan bakrime re·roroe nianiko a·bachengatchina mol·molaniko dakataha. Aaryanyak dol ia tom·binonganiko Darwin Initiative, British Asian Trust aro Goalpara Forest Division baksa Assam aro Meghalaya-ni forest official-rangni dakchakanichi ong·atangaha.
Sak 40 me·chikrangko man·chape sak 90 mangna bate songni manderang ia tom·bimonganio bak ra·angtokaha, jeon uamang mande aro mongmani gisepo nanggrikani a·sel man·enggipa neng·nikaniko komiatna gita ramarango solar light-rangko songe on·china, kosakoni niwatna man·gipa nirokani nokrangko rike on·china, solar light gnang mangrakgipa barirangko kaduulan baksana uamangni batsotna jakkalgipa sima ari ramarango re·roroe nianiko dakchina ku·pattianiko dakangaha. Indake ong·engon, Lakhipur-ni Range Officer Dharmendra Das, mongmarangni re·a doani bewalko u·ie ra·ani gimin aganan baksana apal game cha·anio mingsa mangmangkosan dakaijachinaba u·iataha. Iani gisepon, West Garo Hills-ni Forester Oshim B Marak, da·o ka·enggipa naljokani kamrang baksana mikkangchiba bang·bata ja·ku de·anirangko dakangkugen ine ku·rachake ra·angaha.
Ia tom·bimonganiko ong·atanio songni dilgiparang jekai Khokapara-ni nokma Sanjib Rabha, nambate apsan kam ka·ani baksana watchtower ba niwatani nokko rike on·china u·iataha. Belguri-oni Norway Rabha aro Batapara-oni Nripen Rabha-ba apsan bakrime re·roroe nirokanina chakpaaniko on·angaha. Aaryanyak-ni Anjan Baruah, mongmarangni bewalni gimin talate on·an baksana mande aro mongmani gisepo nanggrikaniko komiatna adita ku·pattiani kattarangko aganangaha. Dilgiparang jekai Madhuram Rabha aro Aswini Basumatary, forest official-rang aro manderangko nangrimatna dakchakahanina Aaryanyak-ko de·mitelangaha.
Jolo songdonggipa manderang aro forest department-rang kragipa scientific method ba cholrangko jakkale apsan kamrangko ka·genchim ong·ode mande aro mongmarang tom·tom ong·e janggi tangna gita man·gen ingipa kattarangchi ia tom·bimonganiko matchotataha.
Na·simang iakoba nina man·gen:
Na·simang iakoba poraina man·gen: EAC Commander-ni Annual Conference-ko Shillong-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
