Imphal, May 31: Manipur a•doko so•sojengjeng ong•enggipa damgni a•jarangona Budbar salo, Union Home Minister Amit Shah re•angenba, dingtang dingtang dolni dilgiparang aro sipai dolni official-rang baksa tom•aniko ong•atangaha.

May 3 tarikonin so•sojengjeng ong•anirang a•bachengenba Manipur a•dokni Tengnoupal aro Kangpokpi a•jarango dakgrik dinggrikanirangko nikna man•ahani gimin Union Home Minister, ia a•ja damgniona re•ange, tom•tomaniko ra•bapilna man•na gita dingtang dingtang dolni dilgiparang aro sipai dolrang baksa agangrikangaha.

Manipur a•doko so•sojengjeng ong•anirangchi komibeoba sak 75 manderang so•otako man•aha aro sak 300-na baten manderang saknaanirangko man•na nangahani gimin ia a•ja damgniona re•anganio Amit Shah, duko ga•akenggipa nokdangrangkoba grongbaaha aro tom•tomaniko rakkichina gita dingtang dingtang dolni dilgiparangkoba didiangaha.