Shillong, Oct 15: Shillong songjinmani Laitumkhrah-o bilsi 100-mangna ong·na sipilgipa Manipur Rajbari, ba jekon Redlands Bungalow ineba ma·sitoka, ia gitchambegipa nokko pe·galahani gimin Budbar salo, Manipuri Elders Consortium Shillong (MECS) aro Shillong Manipuri Students Union (SMSU)-ni membor-rang jegalenba, ia nokko pe·galanio jak donggipa official-rangni kosako rakgipa ja·kurangko de·china dabiangtokaha.
Ia Manipur Rajbari-ko, Manipur sorkarini ning·o donggipa Planning & Development Authority-ni ge·etaniko man·e, re·anggipa October-ni 8 tariko pe·e galaha aro iani bidingo MECS aro SMSU-ni membor-rang, Budbar salo ia biapo tom·chimongenba, raken jegalanirangko dakangtokaha.
Official-rangni u·iatani gitade, ia Manipur Rajbariko Art & Culture Department-ni gita nambate taridapna miksonganirang dongani gimin Planning & Development Authority-ni ge·etaniko man·e pe·ahachim.
Indake ong·engon, ia Manipur Rajbari-ko pe·galani bidingo inquiry-ko dakchina aro ia nokko pe·galanio jak donggipa pilak official-rangni kosako rakgipa ja·kurangko de·kujaskal, ia biapo nok rikani kamrangko dontongchengkuchina MECS aro SMSU dabiangaha.
Na·simang iakoba nina man·gen:
Na·simang iakoba poraina man·gen: Ku·mitu ra·anina NHIDCL-ni Executive Director-ko CBI Guwahati-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
