Tura, Sep7: District Football Association ni ong·atgipa Tura Football League (TFL)-ni Super Division final kalanio Maram FC, bilsi 2-na joljol chebagipa Chipakkore FC-ko 2-1-chi P.A. Sangma Stadium-o Sonibar sal-o cheaha. Kal·susaani 14-gipa minute-o Chipakkore FC-ni Dravid Rabha, robolko tinge galatmitingo Maram FC-na goal 1 chipe on·a gita dakenba, jamano doltangoniba Bris Taro, 36-gipa minute-o goal 1-ko chipe on·angskaaha. Indake ong·engon, neng·taka jaman kal·susaaniko daktaion 46-gipa minute-o Chipakkore FC-ni Johnfield A Sangma, goal 1-ko chipangskaaha.
Chipakkore FC-ni Pobitro Rabha aro Maram FC-ni Tremarchwal Ch Marak, Treesbirth Momin aro Jenius W Marak-na kal·susanio niamrangko pe·anina yellow card-ko on·angaha aro Maram FC-ni Manager, Larry Momin-naba dongimin niamko pe·anina Red Card-ko on·angaha.
Ia tournament-ko ong·atanio cheaniko man·gipa Maram FC-na gong lakh 2 baksana champion trophy-ko aro 2-gipa biapko man·gipa Chipakkore FC-na gong lakh 1-ko man·angskaaha. Iano cheaniko man·e Maram FC, Meghalaya State League (MSL)-naba seokako man·angaha.
Ia Tura Football League ni final kalanio Best Goalkeeper ko Chipakkore FC-ni Jaksram B Marak, Best Defender-ko, Maram FC-ni Balman Marak aro West Balalgre-ni Dinath Marakna, Best Midfielder-ni boksisrang-ko on·angaha.
Iani gisepon, Chipakkore FC-ni Akim Sangma, Best Forward aro Maram FC-ni Artius Momin Player of the final-ko man·angskaaha. Ia kal·susaaniko ong·atanio goal 9 chipenba, Maram FC-ni Tremarchwal Ch. Marak, Top Scorer award-ko aro Easter Salchang Ch Sangma, Player of the league award-ko man·skaaha.
Ia bon·kamgipa kal·susaaniona mongsonggipa sokgipa Rangsakona-ni MLA Subir M. Marak baksana West Garo Hills-ni DFO Rupankar K Marak, West Garo Hills-ni DSO Saljagring M Marak aro Tura District Football Association-ni member-rangba dongpae bakko ra·angpaenba, award-rang aro trophy-rangkoba suale on·angaha.
Na·simang iakoba nina man·gen:
Na·simang iakoba poraina man·gen: ICC Women’s World Cup-ni skanggipa kal·aniko Guwahati-o sokachakenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
