Shillong, Oct 9: IIM Shillong-ni North-East Centre for Community Impact and Engagement (NECCIE) aro Mission Nethralaya-ni October 8 tariko ong·atgipa community eye camp-ona, Mawdiangdiang aro uni sepangjolo donggipa Mawkasiang-o songdonggipa sak-ritchasa ong·nasipile manderang re·bae mikronrangko indin porikka ra·anirang aro chosima-rangko man·angaha.
A·doko mikronna simsakani cholrangko namdapatna inenba ia eye camp-ko Mawdiangdiang Dorbar Office-o ong·atangaha, aro iachin, IIM Shillong-ni songsar-ni an·seng-baljokanina aro nambate janggi tanganina gisik nange kam ka·anirangko mesoka.
Bilsi 4-oni 84-ona ong·gipa, gimikchi sak 94 manderang, aro uamang baksa Quiditto Lower Primary School-ni chatro-chatrirang aro songdonggipa manderang ia camp-ko ong·atani namgnirangko man·aha. Ia camp-o mikronrangko namedake nianirangko dakaha aro baditana mikron nika, uko u·ina porikka ra·a baksana samrangko aro chosima-rangko indin sualataha.
Mission Nethralaya-ni Optometrist-rang re·bae sanna-bananirangko dakaha aro nambate sanna nanggiparangna agan-ku·pattianirangko dakangaha. Mawdiangdiang Dorbar-ni gisik nange dakchakanichi ia eye camp-ko tom·tome ong·atangna man·aha aro bang·a manderangan gisik nange bak ra·na re·batokaha.
Ia camp-ara Meghalaya-o aro Salgro Salaram a·dokrango poraia-skiani, an·seng-baljokani aro silroro-namroroani-o bakrime kamrangko ka·angna ine NECCIE-IIM Shillong-ni ja·ku de·ani bak ong·a.
Na·simang iakoba nina man·gen:
Na·simang iakoba poraina man·gen: ICAR-IIHR-ni gital Horticulture Technology-rang A·chik game ge·e cha·giparangko bil gnangbatatenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
