Shillong, 30 June: Sombar salo, Meghalaya Legislative Assembly-ni Petitions Committee, manderang maikai an·tangtangni neng·nikanirangko sorkari-na u·iatna man·genchim uni gimin jinmana skie on·a gita Ri-Bhoi a·jani Deputy Commissioner-ni Office-ni dakchakanichi dingtangmancha program-ko Ri-Bhoi a·jani Nongpoh-o ong·atangaha, jeon Block Development Officer (BDOs)-rang, Self Help Group (SRGs)-rang aro a·jao donggipa pilak NGO-ni dilgiparangba dongpae bak ra·angpaaha.
Ia tom·aniko, Mawlai-ni MLA aro Committee-ni Acting Chairman, Brightstarwell Marbaniang dilangaha. Rambrai-Jyrngam-ni MLA Remington Gabil Momin, Mawhati-ni MLA Charles Marmgar, Rajabala-ni MLA Dr. Mizanur Rahman Kazi aro Nongpoh-ni MLA Mayrolborn Syiem baksana Ri-Bhoi-ni Deputy Commissioner Abhilash Baranwal-ba iano dongpae bakko ra·angaha.
Marbaniang jinmana aganprakatengon, Petitions Committee-ara manderangni neng·nikani ba badi ka·anirangko niam reti-ko tarienggiparangna knaatna gita Legislative Assembly-ona ra·bana dakchaka ine aganangaha.
MLA Charles Marngar, jolo songdongenggipa manderangko ia namgipa cholko jakkale an·tangtangni songo noko man·enggipa neng·nikanirangko sorkariona sokatchina didiangskaaha. Iani gisepon, MLA Remington Gabil Momin, SHG, NGO aro lekka pora skia man·gipa manderangko ku·rangko on·china aro jinma baksa apsan nangrime kamko ka·china ku·patiangaha. Ia Committee-ara manderangko seoka man·gipa dilgiparang baksa nangrime dongna dakchaka ine Dr. Kazi aganangskaaha. MLA Mayrolborn Syiem, Nongpoh-ona re·baanina Committee-ko mitelan baksana re·bagipa sakanti manderangkon iandakgipa program-rango bak ra·chinaba didiataha.
SHG-ni member-rang, ia tom·anio dilgiparang baksa mikkang parak agan-golpogrikna man·an baksana an·tangtangni neng·nikanirangko uamangna u·iatna cholko man·anina kusi ong·aniko parakataha.
Na·simang ia video-koba nina man·gen:
Na·simang iakoba poraina man·gen: Rang·gitik ka·tongni sabisirangko man·anio manderangko jokatna sak 100 bata nurserangna skie on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
