Shillong, May 26: Meghalaya Legislative Assembly-ni Government Assurances, Committee-rang mogolbar salo sorkarini project mingittam-ni kosako kam ka•atenggipa, chongmotan Umsawli-o rikenggipa indoor stadium aro tennis court, East Khasi Hills a•jao rikenggipa Mawkhanu Football Stadium aro Ri-Bhoi district a•jani Umtham-o donggipa Water Sports Centre-ni kam ka•anirangko nirokangaha.
Nirokaniko, Renikton Lyngdoh Tongkhar baksana MLA-rang chongmotan Ampareen Lyngdoh, Celestine Lyngdoh, aro Ollan Singh Suin-ni dilanio dakangaha.
Ia project -rangko nirokaniko dakanganio, Tongkhar, India a•songo dal•batsrangipa football stadium-ko rikenganina, an•tangni ku•si ong•beaniko aro rasongchaaniko parakangenba Conrad K. Sangma-ko mitelangaha.
Uano name kam ka•anirangkoba nikenba ua an•tangni chu•ongnikanigimin parakangenba ia project-rangko somoigita matchotatna ka•dongsoenga ine ua aganangaha.
KPC Projects Limited-ni gita rikenggipa Mawkhanu Football Stadium-ara, New Shillongo skanggipa stadium ong•gen Jeon sak hajal 40,000-asongna chakgen . Ia project-ara tangka gong kror 732-ni ong•a aro iako bilsi 2028-o matchotatna ka•dongsoenga. Meghalaya a•dokni sorkari, India-o Meghaya-ko robol hub ong•atna miksonge kamrangko ka•enga.
Ia commitee-rang Umtham-o donggipa Water Sports Centrer jekon gong kror 21 -na acres-14 a•ao canoe slalom course, tarienggipakoba re•ange niaha. Iako taria matchota ja•man, tourism-rangko bariatna mingsa chol ong•atan baksana canoeing, kayaking, aro rafting-na iakon National training centre ong•chakatna ka•dongsoenga.
New Shillong-o ta•raken namdaproroanirangko nikna man•engani gimin, Tongkhar de•mitelangaha aro manderangna ta•raken jakkalna man•atna gipin project-rangkoba ta•raken matchotatna ka•dongenga ine Tongkhar, aganangaha.
Na·simang iakoba nina man·gen:
Na·simang iakoba poraina man·gen: Wak jile cha·giparangni palo watatako man·gipa dol, Animal Husbandary Minister-na memorandum-ko on·ea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
