Shillong, May 22: Guwahati-o chi ban re·aniko Meghalaya a·doko bolrang den·ani aro rika cho·ani kamrangko ka·ani a·sel ong·enga ine Assam-ni matnangatanina, Meghalaya Disaster Management-ni Minister aro East Jaintia Hills MLA Kyrmen Shylla, sepango donggipa a·dokko matnangana bate Assam-o dongge tarianirangko dakchina aganangaha, maina Guwahati-o chi ban re·aniara gitcham kattasa aro iako namatnade nambata tarisamsoanirangko dakna nanggen ineba Shylla aganangaha. Da·o dipet Meghalaya a·dok, Assam-oniko maming official complaints ba badi ka·anirangko man·sokuja ineba ua janapataha.
Shylla, skatang matnangataniko dakna skangba name am·sandianirangko dakchina Assam-ko u·iatangaha. Meghalaya a·dok chugipa biapo ong·an baksana mikka bitchi bang·e man·gipa biap ong·ani gimin chi-rang an·tangtangan jokbaigipa ong·a ine Shylla talatangkuaha. Meghalaya a·dok ia chi ban re·atanio bak dongpaa ine Assam sakki on·a man·a ong·ode uamang agan-grikani aro ja·ku de·aniko dakna gongaigen ineba ua aganangaha.
An·tangni miksonganiko talatna inenba, Shylla, Meghalaya a·dokko matnanganiara rama a·sel ong·a jaman ramako matnanga gita chacha ong·a, indiba iano simsakna nanganide gari salgipa driver-ni kamsa ong·achim ine ua u·iatangaha.
Na·simang ia video-koba nina man·gen:
Na·simang iakoba poraina man·gen: WWI Garo Labour Corps-ni bidingo tarigimin jawilwat-ko May jani 24 tariko Tura-o mesokanggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
