Shillong, May 22: Wanphrang D. Diengdoh-ni tarigipa “We did not choose” ingipa jawilwat-ko May jani 24 tariko Tura-ni Auditorium-o mesokanggen. Ia jawilwat-ara, India-ni Salgro Salaram jolo songdongkamgipa manderangko World War 1 ba skanggipa a·gilsak gimikni dakgrikanio British-rangni kam ka·na watatgipa Garo Labour Corps-rangni gualgimin golporangko mesokani ba u·iatani ong·a.
Songsalni namgnina kamko ka·gipa, Cherian Momin, Tura-ni Joint NGOs Forum-ni palo aganengon, ia jawilwat-ko wataniara manderangna, mongsongbate chadamberangna itihas-ni mongsonggipa bakni gimin u·ie ra·na dakchakaniko on·a miksonganio ong·a ine aganangaha. Una agreba, ia jawilwat-ko mesokaniara adita salrangna skang Tura-ni Garo Labour Corps Memorial ba gisik ra·na tarie dongiminko pe·galanina aganchakaniba ong·a aro ian uamangni golporangko agane uamangko gisik ra·e mande ra·na miksonganioba ong·a.
Ia jawilwat-ko mesokatna gita Meghalaya-ni sorkari dakchakaniko on·enga. Jolo songdongkamgipa manderangni itihas-ko ra·dona dakchakaniko on·ahanina, Cherian Momin, Skotong Minister aro gipin department-rangko de·mitele aganangaha. Ua chatro chatrirang, skigiparang, dal·gimin manderang, am·sandigipa dolrang aro media-rangko man·chape sakantikon ia jawilwat-ko re·bae niepachina aro jamano uamangni ma·gitcham pagitcham-rangni on·gilpaani bidingo chanchirimanio bakrimpaenba, uamangko gisik ra·e mande ra·aniko dakna gitaba ua okamaniko dakangaha.
Na·simang ia video-koba nina man·gen:
Na·simang iakoba poraina man·gen: Assam: Royal Bengal Tiger-ko ka·o nanggipa songni mande jinma Golaghat-o so·ota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
