Shillong, Feb 18: Meghalaya a•doko Inner Line Permit (ILP)-ko ra•gatna gita ma•mong sorkarini ra•chakaniko man•kujaengani gimin Immigration & Foreigners Act 2025-ni ning•o a•dok sorkari, a•dokko chel•chakgipa biap dakskana miksongenggipani bidingo ruling aro opposition membor-rangni gisepo jera ra•grike ding•chaogrikani ja•man Budbar salo, Assembly session-ko Speaker Thomas A Sangma, minute 10-na dontongataha.
ILP-ni bidingo jera ra•grike ruling aro opposition membor-rang ding•chaogrikna a•bachengon, Assembly Speaker chadengenba, membor-rangko asongchina aganahachim indiba uamang asongna jechakon, Assembly Session-ko minute 10-na Speaker dontongataha.
ILP-na dabidilanio a•dok sorkariko kakket ong•jaenga ine Voice of the People’s Party (VPP)-ni MLA Ardent M Basaiawmoit matnangani ja•man, ruling aro opposition membor-rangni gisepo ding•chaoe jera ra•grikna a•bachengaha.
Basaiawmoit-ni matnanganiko jegalatengon, ua changni chang a•songni Prime Minister aro Union Home Minister-na ILP-ni bidingo sedoataha ine a•dokni Chief Minister Conrad K Sangma aganenba, ua an•tangara badita chang Prime Minister aro Union Home Minister-na iani bidingo sedoatskaaha ine VPP MLA-ko sing•doskaaha. Ua (Basaiawmoit) an•tangde ILP-ni bidingo Union Home Minister-ko grongean dongkuja ineba Sangma aganaha.
Chief Minister-ni aganchakani ja•man, Deputy Chief Minister Prestone Tynsong-ba chadenge, VPP MLA Ardent M Basaiawmoit-ko ILP-na gisik nangchongmotgipa ong•bebea ong•ode an•tangan Delhi-ona re•ange dabidilchina aro manderangni mikkango ‘dakmesoke’ rojachina aganskaaha.
Dolgnini gisepo ding•chaogrikanina Assembly session-ko minute 10-na dontongatani ja•man, Assembly-o nama bewalosa chanchirimchina aro Assembly-ko mande ra•china gita membor-rangko Speaker mol•molaha.
ILP-ni bidingo aganchakaniko on•angkuengon, uni sorkari ILP-ko man•e on•na gita ma•mong sorkari baksa agangrikengkua aro iako uamang galchipaha ong•ja ine Chief Minister talataniko on•angaha.
ILP-ko ra•gatani bidingo ma•mong sorkari da•o dipet aganchakaniko on•kujaengani gimin a•dok sorkari, Immigration & Foreigners Act 2025-ni ning•o a•dokko naljoke rakkina dingtang cholrangko niskaenga ineba Sangma aganaha.
VPP MLA-ni matnanganina aganchakaniko on•angengon, ILP-ni bidingo uamang changni chang India sorkariko gronge agangrikaha ine Chief Minister aganaha.
ILP-ko namen nangchongmotgipa ine aganenga ong•ode ua (Basaiawmoit) an•tangba uamang baksa Delhi-ona re•ange ILP-ni bidingo ma•mong sorkari baksa agangrikna nanga ineba Sangma aganaha.
NGO-rang aro dingtang dingtang dolrangba ILP-ni bidingo ma•mong sorkarina sedoataha indiba membor (VPP MLA) an•tangde changsaba seata dongkuja ineba Chief Minister aganaha.
Na·simang iakoba nina man·gen:
Na·simang iakoba poraina man·gen: Assam-oni a•a tona watatgipa manderangko Maikhuli songni manderang a•rikata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
