Kharkutta, Sep 26: North Garo Hills a•jani Kharkutta Block ning•o donggipa Mendima Secondary School-ni bilsi 50 gapani ba Golden Jubilee-ko Bristibar salo maniangaha aro ia salko manianio, skulko chalaienggipa managing committee-ni gitcham dilgiparang, skulni gitcham skigiparang, gitcham chatro chatrirang aro songni manderangba bak ra•angtokaha.
Ia skulni bilsi 50 gapaniko manianio, Kharkutta-ni MLA Rupert Momin, mongsonggipa sokgipa ong•e bak ra•angaha aro skulni nisanko songdoe on•angaha.
Ia tom•anio, Kharkutta-ni MLA Rupert Momin, jinmana aganprakengon, ia skulko kulianio aro chalaianio bak ong•gipa pilak manderangkon mittelpilangenba, mikkangchi jatna aro a•songna dangdike on•giparang ong•na man•na gita ia skulo poraienggipa pilak chatro chatrirangkon gisiko nange poraichina agan-ku•pattianirangko on•angaha. Poraianirangosan ong•aigija, kal•susaani, bading chiwalani aro uandakgipa kamrangoba teng•sugiparang ong•china gitaba ua chatro chatrirangko didiangaha.
Koborko on•ani gitade, ia Mendima Secondary skulko 1974 bilsini February 24 tariko kuliaha aro unoni da•o ia skul bilsi 50-ko ga•tapeaha.
Da•o ia skulo skie on•enggipa saksku skigiparang donga aro sak 150-mangni gita chatro chatrirang donga.
Na·simang ia video-koba nina man·gen:
Na·simang iakoba poraina man·gen: M’laya-o mongsonggipa bolrangni seed bank-ko kuligen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
