Shillong, Jan 10: Confederation of Meghalaya Social Organisation (CoMSO), Chairman R. K. Synrem-ni dilanio, January jani 9 tariko West Garo Hills-o ong·a obostako a·dok sorkarini jolo songdongkamgipa manderangni a·a aro manderangko naljoke rakkina man·gijani chin ine aganenba raken jegalataha. Ia ong·a obostao, Rajabala Police Station ning·o ga·akgipa Goalgaon-o ACHIK dolni Dilseng M Sangma chadrapako man·e siangaha. Police dolrang ia ong·a obostao jak dongpagipa sak 3 manderangko rim·aha.
Tura-ni Superintendent of Police, niamgri ro·ong aro an·cheng bikotgipa a·damni nokgipani nokko man·chape am·sandianirangko dakataha. Indake ong·engon, niamgri ro·ong aro an·cheng bikotgipa a·damni nokgipa kate dongengon, uko rim·na gita am·sandianirangko dakengkua.
CoMSO-ni aganani gitade ia pilak ong·a obostarangan ru·uta bilsirangna niamgri songdong a·chaani, niamgri ro·ong bikotani aro administration-ni name nirokgijani a·sel ong·a ine aganangaha. Indake ong·engon, songsalna dangdike on·gipa dolrangni changni chang mikrakataniko on·ani gisepon namrenge ra·ani a·sel ia ong·a obostaona sokataha aro jolo songdonggipa manderangko naljokagri ong·ataha ine uamangni dol authority-rangni kosako matnangataha.
CoMSO dol, ia ong·a obostao jak dongpagipa manderangko ta·rake rim·china aro uamangni kosako nalis ka·china dabiatan baksana a·kawe jolrango niamgri songdongenggipa manderangko a·rikgalchina aro niamgri ro·ong bikotgiparangko chipatchinaba dabiataha. Una agreba, niamgri ro·ong bikotgipa nokgiparang, uamangna tangka paisani gita dakchakaniko on·giparang aro ia niamgri kamrango dakchakani ba chel·chakaniko on·enggipa official-rangni kosako niamni gita ja·ku de·aniko dakchinaba u·iataha.
Iandakgipa niam pe·ani kamrangara, Meghalaya a·dokni mande jelbra jelsruani aro songsalni bimangko dingtangatengaha ine CoMSO mikrakataniko on·ataha. Ian jolo songdongkamgipa manderangni janggi tanganina namen kenchakna nangbegipa ong·engani gimin, uamang a·dok sorkariko ta·rake ja·ku de·aniko dakchina aro niamrangko raken ja·rikchina u·iataha.
Na·simang iakoba nina man·gen:
Na·simang iakoba poraina man·gen: Garo Hills-o mengkari bitchiko badingna taria, janggi tangani gital cholko mesoke on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
