Shillong, Aug 22: Meghalaya a·doko bakgitchakoni bilsi 6-ona dal·roroanio aro an·o donggipa ma·giparangni an·sengbaljokanio mangrakbatatna miksonganio, Asian Development Bank (ADB), ge·sa ja·wilwatko tariaha.
Ia programme-ko ADB aro Japan-ni sorkari baksa nangrime 2023 bilsioni a·bachengataha.
Ia ja·wailwato mesokani gitade, Meghalaya a·doko dam 6000 mangni gita Anganwadi centre-rang donggenchimoba, a·bri a·kong ga·nanggijagipa biaprango donggipa dam 1000 mangni gita songrangona sokangna nangkuenggipa ong·a. Uni gimin ia biaprangona daycare centre-rangko aro nutrition gnanggipa cha·anirangko sokatna miksonganio a·bachengatgipa program ong·a.
Indake ia program ning·o, an·o donggipa, sok kannenggipa ma·giparang aro ja dokoni bilsi dok ong·gipa bi·sarangna nutrition gnanggipa cha·anirangko sokatna gita Meghalaya tarisamsoaha. Unbaksana, ia program-o songsalo me·a me·chik basegija ong·na, an·o donggipa ma·giparangna check up ka·jringna aro counselling-ko on·a gita educator-rangna skie on·aniko dakenga. Iarangna agreba, ning·tua biaprango dongenggipa me·chik bi·sarangna dakchakaniko on·a aro bi·sarangna kal·grikachi skie on·a aro nokdango bakrimna gita ma·a paarangko didinaba uamang miksongenga.
Ia program ning·o, bi·sa an·pakani somoio sianiko komiatna, bi·sa an·pakani ja·man, bi·sa nirokanio ma·gipani chagrongenggipa neng·nikanirangko komiatna miksonganio an·seng baljokani, nutrition gnanggipa cha·aniko on·ani, lekka pora skianiko on·ani aro gisikni gita an·seng baljoke donganiko on·a kamko ka·enga ine ADB aganaha.
Ia ADB, Japan aro Meghalaya a·dok sorkarini bakrime a·bachengatgipa program-o bi·sa sakantina an·sengbaljokgipa janggi tanganiko on·a man·a ka·dongsoenga.
Na·simang iakoba nina man·gen:
Na·simang iakoba poraina man·gen: Sakgittam gari cha·ugiparangko WJH-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
