Tura, April 18: Meghalaya-ni Skotong Minister Conrad K. Sangma, West Garo Hills-ni Tura, Dakopgre-o Multi-facility building-ko rikna jolni dilgiparang aro jolo songdonggipa manderangni dongpaanio pangchakaniko songe on·angaha, jeon Rev. Brinidita R. Marak bi·aniko dakdilangaha.
Sangma, tom·anio jinmana aganprakatengon, ian manderangni ru·uta somoirangna nisengsoe dongenggipa project ong·a ine aganengon, ua Tura-o ka·enggipa dingtang dingtang namroro silroroani project-rang jekai P. A. Sangma Integrated Sports Complex, Additional Secretariat aro janapgimin five-star hotel-ko rikani bidingoba aganangkuaha.
Iana agreba, ua P. A. Sangma Road-ko nitobatatna chanchisamsoan baksana Baljek Airport gita dakanggipa ramako namdapatani bidingoba janapataha.
Cheif Minister Special Development Fund (CMSDF) aro Meghalaya Basin Development Agency (MBDA)-ni apsangrik tangka paisarangko on·e ia project-na tangka gong lakh 52-ko chamataha ine ua parakataha. Ia building-ko chadambe manderangna pilak daka rikanirangko dakan baksana gital changa sapanirangko skie ra·na man·gen, jeon me·chikrangnaba training program-rangko ong·atna man·gen.
2027 bilsio ong·atna sienggipa National Games-ni ming 6 kal·susaani baksana matchotani program-koba Tura-on ong·atanggen ine Skotong Minister u·iataha.
Ia National Games ong·ataniko chu·sokatna sakantikon dakchakaniko on·china aro apsan kamko ka·china ua didiataha.
Ia tom·bimonganiko ong·atanio Donme Ch. Marak, Dakopgre Baptist Church-ni Assistant Pastor Wilme K. Marak, Dakopgre-ni nokma Walsang D. Sangma, a·gipibatgiparangoni saksa Emblington C. Marak, Regan Marak, Dakopgre Development Committee-ni Secretary Cromwell Ch. Marak, Dakopgre Development Committee-ni President Tengkham A. Sangma aro Susmita A. Sangma baksana bang·a manderangba re·bae bak ra·angtokaha.
Na·simang iakoba nina man·gen:
Na·simang iakoba poraina man·gen: ‘Lumpongdeng project-ko manderang ra·chakjagenchimode Wahiajer-ona ra·baskabo’: Dy CM Dhar
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
