Shillong, Feb 27: Meghalaya a•doko damchet ro•ong quarry-rangko chalaina Meghalaya State Pollution Control Board (MSPCB), permit-ko on•aha ine Sukrobar salo, a•dokni Chief Minister Conrad K Sangma, Assembly-o parakataha.
Chief Minister-ni u•iatani gitade, MSPCB-ni permit-ko man•gipa damchet ro•ong quarry-rangara, damgnide West Khasi Hills-o, damgittamde West Garo Hills-o, damsade West Jaintia Hills-o, damsade East Garo Hills-o aro damsade Eastern West Khasi Hills a•jarango ong•a.
MSPCB-o kam ka•giparang chu•ongjaengani gimin janapatengon, regional office-rangode kam ka•giparang chu•ongjae, bang•bata kamrangkon Shillong-osa ka•enga aro iani a•selan Tura aro a•dokni dingtang dingtang biaprango dorgasto galenggipa manderang neng•nikanirangko chagrongna nangtokenga ine Sangma aganaha.
Tura aro gipin biaprango MSPCB-ni office-rangko kulina kam ka•engaha ineba Chief Minister parakataha.
West Garo Hills a•jao quarry-rangko chalaiani bidingo janapatskaengon, West Garo Hills-o dam 59 quarry-rang niam gita chalaienga aro niam gri chalaienggipa quarry-rangoni dam 17-kode chipatenba, mining rules-ni ning•o ja•kurangko de•aha ine Chief Minister parakataha.
Ri Bhoi a•jao dam 8 quarry-rang niam gita chalaienga ineba ua aganaha.
Na·simang iakoba nina man·gen:
Na·simang iakoba poraina man·gen: MHIS-ni ning·o dialysis-na tangka kror 11.36-ko koros ka·aha ine health minister uiata.
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
