Shillong, Aug 9: Sukrobar salo, Meghalaya-ni Liarsluid songo International Day of the World’s Indigenous People-ko samtangtango donggipa ong·telaigiparang aro jatni bewalo gama ge·aniko ripinge rakkianina ku·rangko on·e maniangaha. Ia tom·bimonganiko North East Food Show and Agrobiodiversity Society (NESFAS)-ni gita jolo songdonggipa manderang baksa, “Indigenous Peoples and AI : Defending Rights, Shaping Futures” ine katta bichongko done ong·atangaha, jeon Ri-Bhoi aro East Khasi Hills a·jarango songdongkamgipa jatrang baksana St. Edmund’s College-ni chatro chatrirang aro game ge·e cha·giparangko apsan tom·bana dakchakaha.
NESFAS-ni Vice-Chairperson Rikynti Syiem, gitcham dakbewalko ja·riktaipilchina aro samtangtango donggipa ong·telaigiparangna simsak nirokaniko on·china didiataha. Dr. Bhogtoram Mawroh, jolo songdongkamgipa manderangni bilni gimin, maikai uamangko India-o ra·chakaniko man·ahachim aro a·gilsak gimikko uamangni neng·nikanirangko chagrongani gimin ua jinmana aganprakaniko dakangaha. Mawbri-ni game ge·e cha·gipa saksa Gilbert Khongsit, chasong gitalni bewalo sam on·e gama ge·anina bate ma·gitcham pagitchamrangni bewalo samgri gama ge·aniko dakaniara manderangni an·seng baljokanina, a·ana aro chirangna nambata ine aganangaha. Ua NESFAS-o dingtanganiko ra·baanina ka·donganiko parakatengon, ua game ge·e cha·giparangko ma·gitcham pagitchamrangni gama ge·ani bewalko jakkalchina okamaniko dakangaha.
Ia manianio Phawar couplet-rang, jatni kal·susaani, jolni git ring·gipa dol Na Rympei Bathiang-ni git ring·ani baksana Ri-Bhoi aro East Khasi Hills-ni game ge·e cha·giparangni game ge·e man·gimin bostu-rangko palani aro skul-o poraigipa bi·sarangni mesu samjakrang sregrikanirangko nikangna man·aha. NESFAS-ni photo exhibition ba jachipchang mesokanio jolo songdonggipa manderangni cha·a ringani bewalrangko ripinge rakkina ru·uta bilsirangna kam ka·anirangko mesokangaha, jean ia tom·anio bak ra·pagipa BSW-ni chatro Kenby Roger Phawa-ko an·tangtngni jatni dakbewal rikbewalrangko ripinge rakkina didiatako man·aha.
Na·simang iakoba nina man·gen:
Na·simang iakoba poraina man·gen: Golaghat-o ge 146 nokdangrang a·rikgalako man·a, buringni a·arangko man·pila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
