Shillong, Jun 19: Ri Bhoi a·jao gital Organic Spice Processing Unit-ko kulianiara, game ge·e cha·enggiparangni kamrangko dingtangatani ong·gen ine Sukrobar salo, Meghalaya a·dokni Chief Minister Conrad K Sangma aganenba, batanggimin bilsichetna a·dok sorkari, a·doko game ge·e cha·enggipa manderangni man·gniko tang·doatna dakchakanirangko on·aha ine parakataha.
Ia gital Spice Processing Unit-ko kulie on·anio ua jinmana aganprakangengon, salgro salaram a·dokrango namroro silroroaniko ra·bana gita dakchakanirangko on·engani gimin Union Finance Minister Nirmala Sitharaman-koba mittelpilangaha.
2018 bilsionin a·dok sorkari, game ge·e cha·enggiparangko ra·dona gita pilak nanga dakchakanirangko on·enga ineba Sangma aganaha.
Chief Minister-ni aganani gitade, Meghalaya a·doko chengonin game ge·e cha·giparang, pagitcham ma·gitchamrangni dakbewal rikbewalo pangchake ong·telaigipa gama ge·anirangko dakbaengani gimin a·dok sorkari, game ge·e cha·giparangni kamrangko nambatatna gita pilak nanga dakchakanirangko on·skaenga.
Meghalaya a·doko da·o dam 11 processing unit-rangko chalaiengahani gimin ian a·doko game ge·e cha·enggiparangoni sak 55,000-mangni gita manderangna aro uamangni nokdangrangna namgnirangko on·skaengaha ineba ua aganaha.
Finance Minister-ni agan-ku·pattie on·anirango pangchake Meghalaya sorkari, game ge·e cha·enggipa manderangni man·gipa bosturangko dal·dalgipa bazar-antirangona sokate on·na man·engaha ineba Chief Minister aganaha.
Prime Minister Narendra Modi-ni dilanichi, salgro salaram a·dokrangba da·o a·songni gipin bakrang baksa apsan ja·kuko de·e, a·songni dal·roroanio on·giltokpaengaha ineba Sangma aganaha.
Na·simang iakoba nina man·gen:
Na·simang iakoba poraina man·gen: Salgro salaram jolo dal•batsranggipa Spice Processing Unit-ko Finance Minister oprake on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
