Shillong, Mar 13: Ma·ambioni dakbaenggipa jakni kamrangko ripingani aro gipatanina, Meghalaya sorkari a·dokni dingtang dingtang biaprangoni sakbonga manderangna Sukrobar salo State Award for Handicraft Artisans of the Year 2024-25-ko on·angaha.
Directorate of Commerce & Industries-ni Conference Hall-o tom·bimonganiko ong·atani somoio, Director of Commerce & Industries F. Sutnga ia boksisrangko an·tangni jakchi on·angaha aro uno Joint Director M. L. Wanshnong aro gipin official-rangba bak ra·angaha.
Boksisrangko man·gipa sakbonga manderangara Ri-Bhoi a·jaoni Umkaduh minggipa biaponi Phras Syngkli, West Jaintia Hills a·jani Chilliang Raij minggipa biaponi Gilford Pde, West Garo Hills-ni Balsri Ading Chitoktak-oni Mamsikha N. Sangma, East Garo Hills a·jani Williamnagar-oni Rongreng Chidekgre minggipa biaponi Ensila D, Shira aro Ri-Bhoi a·jani Umsong minggipa biaponi Wanstep Thangkhiew ong·a.
Uamang sakprakan tangka ₹50,000, trophy ge·prak aro certificate kingprakko man·angaha.
Meghalaya Handloom & Handicrafts Development Corporation (MHHDC), Meghalaya Industrial Development Corporation (MIDC), Development Commissioner (Handicrafts), India Sorkari, aro National Institute of Fashion Technology-oni (NIFT) official-rang, national awardee Asuk Suting baksa ia tom·bimonganio bak ra·angaha.
Ia boksisrang dingtang dingtang changgipa-sapgipa manderangni bimchipaniko mande ra·a aro Meghalaya-o jakni kamrangko chasongni chasongna ripingani gamchataniko mesoka ine Sutnga aganangaha. Unbaksana, department-ni gita boksisko man·gipa manderangna tangka-paisarangchi dakchakaniko on·gen, jekai kam ka·chakani biapna, bosturangna aro kam ka·anina tangka-paisarangko on·a baksana gipinrangna skie on·na cholrangkoba on·gen ineba ua aganangaha.
Una agreba, jakni kamrangko ka·gipa manderangko gital design-rangko tarina, kam ka·aniko nambatatna aro jattang-a·doktangni dakbewalrangko ripinga baksa bosturangko name tarina dakchakna gita gital chasongni technology-rang jekai 3D printing aro design software-ko jakkale kam ka·na tarienggipa Innovation & Research Centre-ni (I&RC) giminba department parakataniko dakangaha.
Na·simang iakoba nina man·gen:
Na·simang iakoba poraina man·gen: Tripura Assembly Budget Session-ko Governor’s agananichi a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
