Agartala, March 13: Chang 13-gipa Tripura Legislative Assembly-ni salsku-na Budget session-ko Sukrobar salo Governor Indra Sena Reddy Nallu-ni parakatanichi a·bachengataha.
Governor-ni parakatani ja·mano, Speaker-in-charge Ramprasad Paul, Governor-ni aganirangko House-ni table-o donchina Assembly Secretary-ko ge·etaha.
Uni ja·mano, Parliamentary Affairs Minister Ratan Lal Nath, Governor-ni parakatanina motion of thanks-ko a·bachengataha, keon Chief Whip Kalyani Saha Roy ra·chake on·aha.
Chanchirimanirangko dakengmitingo, Speaker-in-charge, re·anggipa bilsini December jao Bengaluru-o sianggipa gitcham ku·wattimgipa Biswa Bandhu Sen-ko gisik ra·anikoba dakangaha. Assembly-ni member-rang uko mande ra·aniko mesokna minute gni-na jrip donganikoba dakangaha.
Uandake, Speaker-in-charge, pilak chanchirimanirangko Sombar salni 11 bajiona ra·doataha, jeon Finance Minister Pranajit Singha Roy financial year 2026-27-na a·dokni Budget-ko parakatanggen.
Na·simang iakoba nina man·gen:
Na·simang iakoba poraina man·gen: WGH-o curfew-ko March 15 pringona ra•doata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
