29.2 C
Tura
spot_img

National voters’ day-ko maniani salo cycle salsusaaniko ong•ata

Must read

Tura, Jan 25: Chang 11-gipa National Voters Day-ko maniani salo cycle salsusaaniko Tura-o ong•atanga.

Cycle salsusaaniko Sombar pringni 6 bajio Chandmari kal•chakram biaponi a•bachenge P A Sangma stadiumo matchotateaha. Ia susaaniko “Awareness on Drug Free India Campaign and National Voter’s Day”-o pangchake District Sports Office, District Social Welfare Office aro District Administration baksa nangrime ong•ataha.

National voters’ day-ko maniani salo cycle salsusaaniko ong•ata

Ia susaanio sak-36 manderang bakko ra•angaha. Susanio chegiparang me•asarangoni Te Brega Ch Sangma skanggipa, Te Chebirth K Marak gnigipa aro Te Jesher K Marak gittamgipa biapko man•aha.

Me•chikrangoni Ma Pragya Singh skanggipa, Tra Michelle Momin gnigipa aro Tra Amaya Ch Momin gittamgipa biapko man•angaha.

Pekgipa ringanirang jekai drugs-ko jakkalanichi mandeni chanchianiko aro bewalrangko namen dingtangata. Bang·bata manderang drugs-ko an·tangtangni dukko gimaatna, neng·aniko namatna aro neng·nikanirangko gualna ba chel·atna jakkalronga.
Jensalo drugs-ko watna man·jaha, unode tangka paisa, nok jam bon·a ba rurongna aro mandeni be·enba ong·sina a·bachenga. Drugs-ni bilchi gisikni sikaniko daka aro uni a·sel dal·a a·selrangona sokbaa.

Uni gimin India sorkari drugs jakkalaniko bon·atna gita Nasha Mukt Bharat Abhyian-ko a•bachengate bon·atna jotton ka·enga. Uni gimin chadamberang drugs-ko jakkalgija kal·susaanirango bakko ra·angskagenchimode nambata ine Psychiatric Social Worker (DMHO) Te Bilman D Marak aganaha.

spot_img

More articles

spot_img
-->

Latest article