Boko, 21 March: Sonibar salo, NDA-ni candidate Raju Mesh, Bharatiya Janata Party-ni gita nomination-ko on·eani ja·man Boko-Chaygaon constituency-o mande ra·bee rimchaksoaniko man·aha. Unbaksa bakrima kam ka·enggipa manderang Chaygaon-ni Govardhan-oni Boko-o BJP office-ona chonchongipa garirang aro motorcycle-rangko sale rally-ko ong·atangaha aro uni ja·mano mikka-balwa rakoba kenmangijan uamang Bondapara-chipakna re·ange uamangni candidate-ko an·saobee rimchaksoaha.
Rally-ni somoio Raju Mesh ramao chagronggipa manderang baksa dongdipe golpororoangaha aro uamangni pattianiko man·aha. Ja·mano ua unbaksa bakrimenggipa manderang baksa Boko BJP office-oni noktangchina re·angaha. Ia rally-o dingtang dingtang dolrang jekai Rabha Hasong Joint Forum, Asom Gana Parishad, aro gipin NDA baksa bakrimenggipa dolrangni gisik nange bak ra·aniko nikna man·aha.
Jinmana parake aganatengon, ua jolo songdonggipa jatrangoni saksako baseenba BJP uamangko mande ra·aha ine Raju Mesh parakataha. Uandake ua galchipako man·gipa aro songsalni kangal-cholgri manderangna kam ka·anggen ine ku·mikchete on·angaha.
Songni-nokni manderangni gisik nange an·saobee uko rimchaksoaniara re·baenggipa election-na tarisoengon, songo-noko donggipa manderangni bakrimani bilakaniko mesoka.
Na·simang iakoba nina man·gen:
Na·simang iakoba poraina man·gen: Assam-o affidavit ka·anio Skotong Minister Sarma-ni jikgipao bang·a gamrangko nikna man·aha.
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
