Shillong, Nov 18: Sombar attamo, North Eastern Hill University (NEHU)-ni chatri sakgniko gari salgake saknaatahani gimin Police-rang, North Eastern Indira Gandhi Regional Institute of Health & Medical Sciences (NEIGRIHMS)-ni security guard-ko rim•aha.
East Khasi Hills a•jani Superintendent of Police (SP) Vivek Syiem-ni parakatani gitade, rim•ako man•gipa mandeni bimingara Permen M Sangma ong•a aro uni kosako police-rang, ‘Attempt to Murder’ ba ‘so•otna jotton ka•ani’ case-ko segataha.
Ia mandeni kosako police-rang, Bharatiya Nyaya Sanhita (BNS)-ni Section 109-o pangchake mokordoma ka•aha ineba Syiem aganaha.
Sombar attamni 7:30 bajimango, NEIGRIHMS-o security guard-ni kamko ka•enggipa Permen M Sangma, chu peke gari salenba, NEHU Campus-ni Gate No 2-o, Chemisty department-ni chatri sakgni, chong•motan Daritngen Pohdukhei aro Stephanie Shadap-ko salgakaha aro uamang sakgnian bilongbee saknaanirangko man•ahani gimin hospital-ona ra•ange da•o uamangko ICU-o donengkua.
A•sel ong•ani somoio ia mandeni gari nosto ong•changa dongama dongja, uko ma•sina gita uamang Motor Vehicle Inspector (MVI)-ni report-na sengengkua ineba SP parakataha.
CCTV camera-oniko nikna man•ani gitade, ia mande ta•rakbee gariko salangenba, skanggipa scooty-ko salgakchengaha aro ja•mano university campus-ni gate-ko salgakeaha. Ua somoio University-ni chatri sakgniba ja•achi re•angengachim aro uni gari, ia chatri sakgnikoba salgakaha.
Na·simang iakoba nina man·gen:
Na·simang iakoba poraina man·gen: Bijolini gariko chalaienggiparangna dakchakaniko on·a gita EV Subsidy Portal-ko a·dok sorkari a·bachengate on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
