25 C
Tura

NEHU-ni gital VC-ko songanio dakchakchina Hek-ko KSU mol•mola

Must read

Shillong, Jan 27: Professor Sherwin May Sungoh-ko North Eastern Hill University (NEHU)-ni gital Vice Chancellor songna man•na gita dakchakaniko on•china a•dokni Cabinet Minister aro a•doko BJP Legislative Party-ni dilgipa AL Hek-ko Khasi Students Union (KSU) mol•molataha.

“Gitcham Vice Chancellor-na dongimin somoi 2020 bilsion bon•ahani gimin NEHU-ni gital Vice Chancellor-ko songani bidingo chinga Hek-ko gisik ra•atna nangnikenga,” ine Secretariat-o Hek-ko grongani ja•man KSU-ni Education cell parakataha.

Joltangni Tribal mandeko NEHU-ni VC songchina dabiangengon, “Gipin university-rangni vice chancellor-ko NEHU-ona rimbagenchimode ia university-o ong•enggipa obostarangni bidingo ma•sina somoiko nangronga. Uni gimin jolo songdongenggipa manderangni neng•nikanirangko ma•sina gita Tribal jatrangonikon VC songna gita nangengaha,” ine KSU-ni dilgiparang parakataha.

KSU-ni dilgipa Ruben Najiar-ni aganani gitade, NEHU-ni gital Vice Chancellor-na Professor Sherwin May Sungoh-ni bimingkoba mingenba seoke donmanahachim.
Prof Sungoh-ara NEHU-ni Education Department-o skie on•enggipa mande ong•a aro uaba NEHU-ni gital VC-na seoke donenggipa sakbonga candidate-rangoni saksa ong•paengachim.

Indake ong•engon, NEHU-ni gital Vice Chancellor-ko seokani bidingo KSU-ni dilgiparang, dingtang dingtang political dolni dilgiparangko gronge agangrikenga.
Iani bidingo ua ma•mong sorkari baksa agangrikmanaha ine Hek-ba KSU-ni dilgiparangna ku•rachakaniko on•ataha.

More articles

-->
-->

Latest article