Tura, May 24: Turani NEHU campus-o poraianggipa, Sumanjuri Rajkhowa Airport Human Resource Officer ong·e dangdike on·enggipa chadambe saksa ong·a. Miksongatangko nisan done re·mikkangengon, kingkot dakanichisa chu·sokna man·a, unigimin an·ching ska dongode jeoba chu·sokna man·aia, unigimin chadambe dal·drobaenggiparang an·tangtangni janggi tanganina namako basee ra·na nanga ine Hub Network baksa golpogrikao Sumanjuri aganaha.
Department of Management and palcement & Counceling Cell NEHU Turani ong·atgipa SYNERGO’s 25 aro HR Conclave cum Alumni Meet programo Sumanjuriba dongpae chadamberangna namen ra·biani kattarangko aganaha.
2019 oni 2021 bilsiona uni Tura NEHU-o MBA ko poraimiting salrangko ua gisik ra·atpile aganengon, da·alni chadamberang chasongtango daka-rikanirangni bidingo ui-ma·sigipa ong·an baksana changgipa sapgipaba ong·na nangenga. HR, sata analytics, Management tool aro iandakgiparangni a·bao an·chingba jaksrapgiparang ong·na nangengaha. Advanced Excel, Power BI, ERPni dol jekai SAP, Artificial Inteligence ni ChatGPT ugita gipinrango an·chingba ui-ma·sigiparang ong·na nangengaha ine Hub Network baksa agangrikao ua talataha.
An·chingni poraiao nangchapgijagiparangona jaksrapgiparang ong·na nangenga. Ki·tap poraijringani, an·tangtangko wil·ani, namdapatani, taritaitaiani iarang nangchongmotgipa ong·a. Unigimin na·a jena miksongenga unona daarinade mamingnaba jajrenga gri nang ja·kuko ja·kuprak ga·jite kam ka·chakatna nanggen, unosa nang·ni miksonganirang ka·sine ka·sine be·en pil·na a·bachenggen ine ia aviation-ni a·bao jaksrapgipa Sumanjuri Rajkhowa aganaha.
Na·simang ia video-koba nina man·gen:
Na·simang iakoba poraina man·gen: Indiani Fashion designer Sanjukta Dutta Canes Film Festival-o niksenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
