Shillong, Oct 16: North East Society for Agroecology Support (NESFAS), Rome-o Food and Agriculture Organisation (FAO)-ni gita World Food Forum-ko ong·atanio Global Innovation Award 2025-ko man·aha. A·gilsak gimikni sak 360 bak ra·giparangoni, NESFAS “When Farmers Lead Innovation! 2025 Innovation Award on Farmers Field School for Sustainable Agrifood Systems” category-o seokako man·aha.
Ia award-koara NESFAS-ni Agroecology Learning Circles (ALCs), chong·motan songni manderangni dilanio dingtangmancha tarigipa program jean chasong gitcham aro chasong gitalni u·i-ma·sianiko brine, samtangtango donggipa ong·telaigiparangko chel·chakna, samtangtango donggipa ong·telaigiparangna nangchakeagrigipa gama ge·aniko ra·dona aro gital chanchibewalanirangko giproroatna dakchakanina on·pilskaani ong·a.
Ia tom·bimonganio NESFAS-ni palo re·anggiparangara Founding Chairperson Bah Phrang Roy, Executive Director Pius Ranee, Senior Programme Associate Gratia E. Dkhar, Indigenous Peoples Issues (TIP)-ni Assistant Andrea Selva aro Consultant Bedanga Bordoloi ong·a. Indake ong·engon, The Nature Conservancy Centre-ni Executive Director Dr. Sushil Saigal aro Programme Lead Sunpreet Kaur-ba ia tom·bimonganio uamang baksa bak ra·angpaaha.
Shillong songjinmao Indigenous Terra Madre 2015 tom·bimongani jaman ia ALC concept-ko a·bachengataha, jekon Global Farmers Movement-rang jekai La Via Campesina-oni didiani aro changgipa sapgipa Dr. Kevin Gallagher aro Dr. Francisco Rosado May-ni dakchakaniko man·e ong·atangaha. Bah Phrang ia award-ko NESFAS baksa kam ka·anggipa sak 600 manderangna on·kanganiko dakataha. ALC-koara janggi gnanggipa do·o matrang aro jatni u·i-ma·sianirangko ripinge rakkian baksana game ge·e cha·giparangna skie ra·ani cholrang aro gital chanchibewalanirangko saksa sakgipinna u·iate on·a bikotaha ine Pius Ranee aganaha. Ia award-ko man·aniara uamangni kamrang a·gilsak gimiko ra·chakaniko man·engaha ine mesokani ong·a ine NESFAS-ni Chairperson Nestar Kharmawphlang janapataha.
Da·o dipet, NESFAS-ni gita dam 100 songrango ge 100 Agroecology Learning Circle-rangko songe ong·angaha jeon sak 2,000 mangni gita member-rang gnang aro uamangoni bang·batan me·chikrang aro chadamberang ong·a. The Nature Conservancy, Meghalaya Biodiversity Board aro World Bank-ni dakchakanichi NESFAS, ge 210 People’s Biodiversity Registers-ko namdapatan baksana People’s Perspective Landscape Plan-rangko tarisamsoaha. Uasan ong·aigija, uamang dam 26 skulrango cha·ani program-rangko namdapatenba, sak 1,500 bi·sarangna dakchakaniko on·angaha. Iani gisepon, ge 21 ALC-rang cooperative society-rang ong·baskaaha jean Mother Earth Cafe-rang, Community Seed Bank-rang aro jolo man·gipa biterangko palgipa dokkanrangko chalaianiko dakskaenga.
Dr. Shushil Saigal, jolo songdonggipa manderang samtangtango donggipa ong·telaigiparangko naljoke rakkina, janggi tangani chol aro meli nangrime mi misirangko ge·na man·gipa ong·a ine ALC model sakkiko on·a ine aganangaha. Ia award-ko ra·chakgipa Gratia Dkhar, ia award-ara a·atangna aro jatni dakbewal rikbewalrangna simsakgipa game ge·e cha·giparang, me·chikrang aro chadamberangni ong·a ine aganaha.
NESFAS-ni 2030 bilsina niksamsoaniara, ong·telaigipa dam 1,000 tangsekgilgil a·brirangko tangatpilani, sak 1,00,000 bi·sarangna be·enna namgipa jolo man·gipa cha·anirangko on·ani, sak 1,00,000 songni manderangna samtangtango donggipa ong·telaigiparangna nangchakea grigipa kamrangko nakatatan baksana samtangtango donggipa ong·telaigiparangko naljoke rakkina aro bilsi karini dingtangrorobaaniko warachakna sak 50,000 chadamberangna skie on·a miksonganian ong·a.
Na·simang iakoba nina man·gen:
Na·simang iakoba poraina man·gen: West Shillong-o ka·enggipa Project-rangko Paul Lyngdoh nirokea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
