Resubelpara, Oct 14: Mongolbar salo, North Garo Hills a•jani District Mental Health Program office, District Legal Services Authority (DLSA) baksa nangrime World Mental Health Day-ko Damas Higher Secondary School-o manidilangaha.
Ia program-ko ong•atanio, North Garo Hills a•jani District Medical & Health Officer (DM&HO) Dr Priya Sengse R Sangma, ia World Mental Health program-ni nangchongmotgipa ong•ani bidingo janapangenba, gisikni gita chanchisokgijanirang sokbaon, pangnan saksa sakgipin baksa jakgitel ong•e agangrikchina aro dakchakanirangko nangon pangnan doctor-rangona re•angchina didianiko on•angaha.
Ia salko manianio North Garo Hills a•jani DM&HO, National Deworming Day manianikoba a•bachengate on•angjolaha aro ia program-ko ong•atanio sualenggipa deworming tablet-rangko ra•china manderangko didiangaha.
Ia program-ko ong•atanio, North Garo Hills a•jani DIO I/c Dr Rezia K Sangma-ba jinmana aganprakengon, mental health ba gisikni gita an•seng baljoke dongna nanganiko agan-talate on•angaha.
Ia program-ko ong•atanio bak ra•e jinmana aganprakanggipa gipin manderangara, North Garo Hills a•jani Deputy Superintendent of Police (DSP) John CA Sangma, North Garo Hills DLSA-ni Deputy Chief Legal Aid Defence Upresia Sangma, DLSA-ni Legal Aid Counsel Bianca Marak aro gipinrang ong•a.
Na·simang iakoba nina man·gen:
Na·simang iakoba poraina man·gen: Bol be•dapgipa mongma bi•sako Forest official-rang jokata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
