Resubelpara, Sep 17: Budbar salo India-ni dingtang bakrango gitan, North Garo Hills, Mendipathar-ni Salpara kalchakramo Deputy Commissioner Dr. Abhishek Saini-ni dilanio Swasth Nari Sashakt Parivar Abhiyan-ko a·bachengataha. September jani 17 tarikoni October jani 2 tarikona chong·motan sal 15-na ong·atenggipa ia campaign-koara songo donggipa me·chikrang aro bi·sarangni an·seng baljokaniko nambatatna miksonganio Health & Family Welfare Department aro Women & Child Development Department-ni gita ong·atangaha.
Dr. Saini, ma·gipa aro bi·sarangni naljokanina an·o donggipa ma·giparangko bi·sa an·pakanina hospital-ona re·angchina didiataha. Iani gisepon, referral case expenses ba gipin biapchina watatani koros-rangko Resubelpara-ni DM&HO office-ni gita gamchakgen ine ua u·iatangaha. Indake ong·engon, me·chikrangni an·seng baljokani aro be·enna namgniko cha·ani ringanina simsakaniara nambata nokdangko aro songsalko rikna dakchaka ineba ua agantalate on·angkuaha.
Ia program-ara saa ding·aniko nianisan ong·aija indiba ian me·chikrangna an·seng baljoke dongani gimin skie on·ani ong·a jedakode uamang an·tangtangni be·en bimangrangko an·seng baljoke rakkina gita man·gen.
Resubelpara-ni DM&HO Dr. P. R. S. Sangma aro Resubelpara-ni DIO in-charge Dr. R. K. Sangma-ba ia tom·bimonganio jinmana aganprakaniko dakangaha.
Ia campaign-ko ong·atanio biji su·ani, an·o donggiparang aro bi·sarang simsak nirokani, NCDs, cancer aro anemia ba an·chi komie bilgrie sagiparangko porikka ka·e niani, be·enna namgniko on·gipa cha·a ringani bidingo u·iate on·ani, yoga session-rang aro me·chikrang aro bi·sarang baksana wagamrang, mikronrang, nachilrang, gitokrang aro gisikni gita saaniko man·giparangna indin sana bananirangkoba on·anggen.
Na·simang iakoba nina man·gen:
Na·simang iakoba poraina man·gen: Sohra-o mikka bitchirangko man·ani namen komienga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
