Imphal, March 2: Mayanmar-oni Manipur a•dokona dongkamna miksonge napsrukbagipa manderangko champengsona man•a gita, Sukbrobar salo Manipur Assembly-o NRC ba National Register of Citizens ko a•doko ra•gatchina ma•mong sorkariko didianiko dakangaha.
Manipur-ni sepangbatgipa a•song Mayanmar baksa 398km-ni guari ka•gijagipa sima ari ko man•a.
Manipur-ni Skotong Minister, N. Biren Singh, a•doko NRC-ko ra•gatchina inenba Union Home Minister-ko mol•molaniko dakdilangaha.
Indake, Manipur-ni skotong Minister N. Biren Singh, X( Twitter)-o seatengon, “2022 bilsini August jani 5 tariko, tik ka•e ra•chakgimin niamrangko ra•gatenba, Manipur Legislative Assembly-ni nangchongmotgipa ja•ku de•anirangko dak•angaha. Indake, a•dokko naljoke rakkina aro a•songni namgnina, ia National Register of Citizens (NRC)-ko a•doko ra•gataniara nangchongmota” inenba X(Twitter)-o parakataha.
“Ma•mong sorkariko tarakkale ia NRC ko a•dok -o ra•gatna didianiara a•dok sorkarini a•dokni manderangko naljokatna aro ku•mong melie nangrime donganiko rakkiangkuna rak•bee kam ka•aniko mesoka. Indake, pilak a•dok-o songdong a•chaenggipa sakantion mikkangchi a•dokko bilakbate aro namroro silroroatna man•a gita ia ja•ku de•anio jakko on•pachina” ine skotong minister aganangaha.
Chang 2-na kingking March 2022 bilsio assembly election-o cheaniko man•e, Skotong Minister N. Biren Singh-ni dilanichi, BJP dol, 2022 bilsi-ni August 5 tarik-o ku•cholsan ong•e ia NRC ko ra•gataniko namnike ma•mong sorkariko Manipur a•dok-o NRC ko ra•gatchina mol•molaniko dak•angaha.
Na·simang iakoba poraie nina man·gen: HNLC-ni PSO Storgy Lyngdoh-ko Police-rang rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
