Shillong, Nov 21: NITI Aayog-ni Dr. Arvind Virmani, Meghalaya a·doko gital namdapatani project-rangko ra·dona salgnina re·baaha. Ua sorkarini sak 6 official-rang baksana songni dilgiparang aro jolo bading chiwalaniko dakgipa dolrangko grongenba, a·doko namroro silroroaniko ra·dona dingtang dingtang cholrangni bidingo chanchirimaniko dakangaha.
Ua mongsongbate gama ge·anirangko namdapatani, game ge·e man·giminrangko tarigipa karkanarangko bariatani, tangka paisani gita man·gnirangko tang·dobatatani, a·doko tangka paisanirangko nambate jakkalani baksana me·chikrang aro chadamberangna bang·bate changa sapanirangko skie on·anina gisiko on·bate kamrangko ka·enga. Uasan ong·aigija, game ge·e cha·gipa dolrang, self-help group-rang aro songo bading chiwalaniko dakgiparangna dakchakaniko on·a diltugipa biaprango nambata internet-rangko nangchongmotani giminba ua janapangaha.
Dr. Virmani, Early Childhood Development Mission baditana kingking chu·sokaniko man·engahachim uarangko niangan baksana Shillong Literary Festival-o jaktangchi sol·na rep·na changgiparang baksaba agan-golpogrikanirangko dakangaha. Iani gisepon, ua chonchongipa producer group ba dolrangni neng·nikanirangko ma·sie ra·na gita Eastern Ri-Bhoi Farmer Producer Company-onaba re·angaha.
NITI Aayog, a·doko namroro silroroaniko ra·bana aro uno songdonggipa manderangni janggi tanganiko tang·dobatatna dakchakaniko on·a Meghalaya baksa kamrangko ka·angkugen ine aganangaha.
Dr. Virmani, IIM Shillong-o ong·atgipa chang 12-gipa International Conference on Sustainability (SUSCON XII)-o jinmana aganprakengon, ua Vikshit Bharat, pangkamgipa namroro silroroani aro India a·song maikai iani jelbra jelsrubaani, digitalo namdaprorobaani aro gital chanchibewalaoniko namgnirangko man·a amgenchim uarangni bidingo aganangaha.
Na·simang iakoba nina man·gen:
Na·simang iakoba poraina man·gen: IIT Guwahati-ni am·sandigipa dolrang komia damo chi-oniko rokomsa silko ra·galani ong·telaigipa kolko bikota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
