Shillong, Nov 26: Official garirango siren, VIP light aro gisim glass-rangko skatang jakkalna man•jana gita a•dok sorkari, niamrangko rakbatataha.
Skanggipa changna Shillong songjinmani Ward’s Lake-o Cabinet tom•aniko ong•atangani ja•man kobor ra•timgiparangna talate on•angengon, pilak official garirangon VIP light-rangko, siren-rangko aro andalatgipa glass-rangko skatang jakkalna man•jana gita Standard Operating Procedure (SOP)-rangko Cabinet ra•chakangaha aro ia niamko tarianio, sawarang siren-ko jakkalna man•a, sawarang VIP light-rangko jakkalna man•a, ia pilakkon janapaha ine a•dokni Chief Minister Conrad K Sangma parakataha.
Chief Minister-ni u•iatani gitade, andalatgipa glass-rangko Z+ category-ni official garirango jakkalna man•gen, siren-rangkode police, emergency service aro VVIP-VIP-rangni pilot escort garirangsan jakkalna man•aigen.
VIP light-rangko jakkalani bidingo janapatskaengon, a•songni dongimin niamo pangchake gitchakgipa light-rangkode darangba jakkalna man•jawa ine Chief Minister parakataha.
Iani bidingo principal secretary-ni dilanichi dingtangmancha committee-ko songaha ine parakatengon, badiaba category ba gadangko ra•dapna nanga ong•ode ia committee-an nangani kri kamko ka•anggen aro jinmana u•iatgen ine Chief Minister aganaha.
Garirango name plate ba biming donggipa plate-rangko jakkalani giminde Transport department, sawarang jakkalna man•a, uko u•iatskagen ineba Sangma aganaha.
Na·simang iakoba nina man·gen:
Na·simang iakoba poraina man·gen: EJH-o bisi gnang cha·aniko cha·e JNV-ni sak 59 chatro chatrirang saaniko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
