Nongpoh, March 4: National People’s Party-ni dilgiparang, Budbar salo, Meghalaya-o NPP-ko a·bachengdilgipa Purno Agitok Sangma-ni 10-gipa siani salko Ri Bhoi a·jao maniaha. Sangma March 4, 2016-o siaha aro ian bilsian party-ni manderangna uamangni mongsonggipa dilgipako gimaataoni chikkunggipa bilsi ong·enga.
Sangma-ko mande ra·e gisik ra·ani programme-ona adita NPP MLA-rang re·bae bak ra·angaha jekai Jirang-ni MLA aro Cabinet Minister Sosthenes Sohtun; Umroi-ni MLA Damanbait Lamare; Mawhat-ni MLA, Charles Marngar, Nongpoh-ni MDC Rona Khyndeit, Ri Bhoi a·jani NPP-ni President, Clement Mawlong,aro party-ni gipin memborrang.
NPP-ni dilgiparang jekai Sosthenes Sohtun aro Clement Mawlong, P.A. Sangma sagiko an·tangko onatgipa, darangkoba mikkang nitegijagipa aro pilakkon apsangrik ong·e ra·gipa mande ong·achim ine aganangaha.
Sosthenes Sohtun-an 2013-ni election-o skanggipa NPP candidate-ba ong·achim aro uni P.A. Sangma baksa dikdiksa agangrike roanirango ua uko an·tangko bamatgipa dilgipa aro manderangni namgnina kam ka·gipa ong·a ine nikaha ine parakataha.
P.A. Sangma-ko India-o namen mingsing-minggamachim, ua Lok Sabha-ni ku·wattimgipa, ma·mong sorkari-o Union Minister, Meghalaya-ni Skotong Minister ong·e dangdike on·anga baksana, India-ni President-naba ua susaangaha aro manderangni janggi tanganirangko namdapatna uni dangdike on·anirangnaba ua namgipa bimungko aro mande ra·anikoba man·angaha ine Sohtun agandapangaha.
Na·simang iakoba nina man·gen:
Na·simang iakoba poraina man·gen: Resubelpara-o Green Meghalaya, FOCUS+ program-ni namgnirangko CM parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
